नागरिकांनो! एपीके फाईल डाऊनलोड होताच, खाते होतेय रिकामे; ३ महिन्यांत शेकडो जण पडले बळी, बेसावध क्लिकने होईल मनस्ताप; ‘या’ क्रमांकावर नोंदवा तक्रार

मंगळवेढा टाईम्स न्युज नेटवर्क ।

संवादासाठी सर्वाधिक प्रमाणात वापरले जाणारे व्हॉट्सअॅपचे करमणूक करणारे ग्रुप आता असुरक्षित झाले आहे. काही ग्रुपमध्ये अचानक एपीके (APK) फाइल शेअर होत आहेत.

या फाइल इंस्टॉल करताच क्षणात मोबाइलचा ताबा सायबर गुन्हेगारांच्या ताब्यात जाऊन बँक खाते रिकामे होत आहे. शिवाय, मोबाइलमधील तुमचा खासगी डेटाही चोरला जात आहे. गेल्या तीन महिन्यांमध्ये जवळपास शेकडो जणांनी सायबर पोलिसांकडे याप्रकरणी तक्रार दाखल केली.

६३ वर्षीय वृद्धाच्या व्हॉट्सअॅप ग्रुपवर अज्ञात क्रमांकावरून एसबीआय बँकेच्या नावे अॅप वापरल्यास १० हजारांचे अवॉर्ड मिळत असल्याचे मेसेज आले. फोटोसोबत एक एपीके फाइल होती.

ती इंस्टॉल करताच मोबाइलचा डेटा सायबर गुन्हेगारांनी मिळवला आणि क्षणात बँक खात्यातून ३ लाख ७२ हजार रुपये लंपास झाले. गेल्या अनेक दिवसांपासून सायबर गुन्हेगारांचा हा नवा फसवणुकीचा प्रकार सुरू आहे.

देशातील नामवंत बँक, प्रसिद्ध दागिन्यांच्या कंपन्या, ऑनलाइन शॉपिंगच्या डिस्काऊंट कोडच्या नावे या एपीके फाइल ग्रुपवर शेअर केल्या जात आहेत. तसे झाल्यास नागरिकांनी तत्काळ १९३० क्रमांकावर तक्रार नोंदवावी.

नेमके काय होते

• तुम्ही एपीके अॅपवर क्लिक करताच अॅप इंस्टॉल होते. जे अॅप लिस्टमध्ये दिसत नाहीत.

• मोबाइल धारकाला अज्ञात स्त्रोतांकडून (फ्लॅश मेसेज) विविध मेसेज सुरू होतात. सदर अॅप कॅमेरा, मायक्रोफोन, लोकेशन, कॉन्टॅक्स, एसएमएस, गॅलरीची परवानगी मागते.

• तुमचे सर्व मेसेज एका विशिष्ट नंबरला ऑटो फॉरवर्ड होतात.

• अशा फाइल काही केबी (केबी) साइजच्या असतात.

APK म्हणजे काय?

•अँड्रॉइड पॅकेज किट म्हणजे एपीके ओळखले जाते. हे अँड्रॉइड ऑपरेटिंग सिस्टमद्वारे अॅप्लिकेशन्स इंस्टॉल करण्यासाठीची फाइल असते.

एपीके फाइल हानीकारक नसली, तर त्याचा स्त्रोत मात्र अत्यंत धोकेदायक असू शकतो. प्ले स्टोर किंवा अॅपल स्टोअरवर खात्रीशीर अॅप असतात. मात्र, थेट लिक, टेलिग्राम, व्हॉट्सअॅप ग्रुपवर आलेल्या अशा APK फॉरमॅट मधील फाइल असुरक्षित असतात.

हे अवश्य करा

व्हॉट्सअॅपचे ऑटो डाउनलोड मोड कायम बंद ठेवा. अनोळखी अॅप इंस्टॉल झाल्यास पहिले फ्लाइट मोड ऑन करा. त्यानंतर डिव्हाइस फॅक्टरी रिसिट करा व तत्काळ १९३० क्रमांकावर तक्रार नोंदवा.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज