टीम मंगळवेढा टाईम्स।
सोलापूरमध्ये मंत्री चंद्रकांत पाटील यांच्यावर शाई फेकण्याचा प्रयत्न करण्यात आला आहे. पोलिसांनी तातडीने सदरील व्यक्तीला ताब्यात घेतलंय.
चंद्रकांत पाटील यांच्याकडे सोलापूर जिल्ह्याचं पालकमंत्रीपद देण्यात आलेलं आहे. पहिल्यांदाच ते रविवारी सोलापुरात दाखल झाले होतं. शासकीय विश्रामगृह येथे भीम आर्मीच्या एका कार्यकर्त्याने त्यांच्यावर शाई फेकण्याचा प्रयत्न केला.
शाई फेकल्यानंतर सदरील भीम आर्मीच्या कार्यकर्त्याला पोलिसांनी ताब्यात घेतलं आहे. राज्य शासनाने सरकारी नोकरीमध्ये सुरु केलेल्या खासगीकरणाला विरोध करण्यासाठी कार्यकर्त्याने हे पाऊल उचललं.
यावेळी काही कार्यकर्त्यांनी घोषणाबाजीदेखील केली आहे. सदरील व्यक्तीला पोलिसांना ताब्यात घेतलं आहे. चंद्रकांत पाटलांच्या सुरक्षेमध्ये स्वतः पोलिस अधीक्षकांची उपस्थिती होती. तरीहीदेखील ही घटना घडली आहे.
यापूर्वी पिंपरी चिंचवड येथे चंद्रकांत पाटील यांच्या तोंडावर एका कार्यकर्त्याने शाई फेकली होती. त्यानंतर चंद्रकांत पाटील यांनी अनेक कार्यक्रमांमध्ये फेस शिल्ड लावून हजेरी लावली. रविवारी पुन्हा त्यांच्यावर शाई फेकण्याचा प्रयत्न झाला.
शिक्षणाचा प्रचार करण्यासाठी महापुरुषांनी भीक मागितल्याचं धक्कादायक विधान त्यांनी केलं होतं. त्यांच्या वक्तव्यावर सर्वत्र टीका झाल्यानंतर त्यांनी आपल्या वक्तव्यावर दिलगिरी व्यक्त केली होती. पण त्यांच्या वक्तव्याचे पडसाद आता राज्यभरात उमटले होते. त्यांच्यावर पिंपरीत शाईफेक करण्यात आली होती.
समता सैनिक दलाच्या मनोज गरबडे या कार्यकर्त्याने चंद्रकांत पाटील यांच्या अंगावर शाई फेकली होती. गरबडे हा अनेक वर्षांपासून समता सैनिक दलात कार्यरत आहे.तो चिंचवड परिसरात वास्तव्याला होता.
तसेच तो अनेक सामाजिक कार्यात देखील कार्यरत होता. यानंतर राजकीय वातावरण चांगलेच तापले होते.आता परत मंत्री चंद्रकांत पाटील यांच्यावर शाईफेक करण्याचा प्रयत्न करण्यात आल्यामुळे एकच खळबळ उडाली आहे.
ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज