टीम मंगळवेढा टाईम्स । देवानंद पासले
मंगळवेढा तालुक्यातील लवंगी येथील भैरवनाथ शुगरचा ८ वा गळीत हंगाम शुभारंभ भैरवनाथ शुगरचे चेअरमन प्रा.शिवाजीराव सावंत यांच्या हस्ते गव्हाणीत मोळी टाकून करण्यात आला.
यावेळी व्हा.चेअरमन अनिल सावंत उपस्थित होते. सुरवातीस कृष्णदेव निकम, तानाजी पवार, शिवाजी भांजे, समाधान जाधव, शाम गोगाव यांच्या हस्ते काटा पूजन व वाहनांचे पूजन करण्यात आले.
सत्यनारायण पुजा चंद्रकांत देवकर व त्यांच्या सुविद्य पत्नी सौ.ज्योती यांचे शुभहस्ते करण्यात आली.
कार्यक्रमाचे वेळी चेअरमन प्रा. शिवाजीराव सावंत म्हणाले की, कारखान्याचे संस्थापक आ.प्रा.डॉ. तानाजीराव सावंत यांच्या मार्गदर्शनाखाली पाठीमागील ७ गळीत हंगाम यशस्वीरीत्या पूर्ण केलेले आहेत.
तसेच या वर्षी ऊसाची क्षेत्र मोठ्या प्रमाणात उपलब्ध असुन नोंदीचा सर्व ऊस गाळपास आणण्यात येईल.त्यामुळे शेतकर्यांनी काळजी करू नये. ऊस (नियंत्रण) आदेश,१९६६ मधील कलम ३(३) च्या तरतुदीनुसार गेल्या वर्षीच्या गळीत हंगाम २०२०-२१ मधील ऊस बिल एफआरपी प्रमाणे पूर्ण दिलेले आहे.
तसेच साखर आयुक्तालयाने महराष्ट्रातील एफआरपी न दिलेल्या कारखान्यांची यादी प्रसिद्ध केलेली आहे त्यामध्ये भैरवनाथ शुगर वर्क्स लि.चे एकाही यूनिटचे नाव नाही.
आजपर्यंत ज्या विश्वासार्हतेवर कारखान्याने गळीत हंगाम पूर्ण केलेले आहेत त्याच विश्वासावर चालू गळीत हंगाम पूर्ण होईल असा विश्वास यावेळी त्यांनी व्यक्त केला.
यासाठी लागणारी सर्व ऊस तोडणी-वाहतूक यंत्रणा कार्यान्वित असल्याचे सांगण्यात आले. आ.प्रा.डॉ.तानाजीराव सावंत यांनी कारखान्याचे ६ लाख मे.टन गाळपाचे उदिष्ट दिलेले आहे ते आम्ही पूर्ण करू असे आश्वासन व्हा.चेअरमन अनिल सावंत यांनी यावेळी दिले.
या कार्यक्रमाला उस्मानाबाद जिल्हा परिषदेचे उपाध्यक्ष तथा सोनारी यूनिटचे कार्यकारी संचालक धनंजय सावंत, विहाळ युनिटचे कार्यकारी संचालक किरण सावंत, वाशी युनिटचे कार्यकारी संचालक केशव सावंत, आलेगाव युनिटचे कार्यकारी संचालक पृथवीराज सावंत,
वाकाव गावचे सरपंच ऋतुराज सावंत, जनरल मॅनेजर रविंद्र साळुंखे,शिवसेना तालुका प्रमुख मोहोळ चरणराज चौरे, बसवराज पाटील, आसबेवाडी चे सरपंच श्याम आसबे, संजय नागणे, आसबे सर, राजू पाटील, श्रीपती माने, शिवाजी चव्हाण, माय्यप्पा पांढरे,
शशिकांत निकम, शिवाजी भांजे, रामचंद्र जाधव, इंद्रजीत पवार, तानाजी चव्हाण, वर्क्स मॅनेजर नानासाहेब पोकळे, जनरल मॅनेजर(प्रोसेस) अनिल पोरे, मुख्य शेतकी अधिकारी कृष्णदेव लोंढे, एच आर मॅनेजर संजय राठोड, ईडीपी मॅनेजर नवनाथ चव्हाण, केनयार्ड सुपरवायझर शंकर पाटील,
फायनान्स अकौंटंट देवानंद पासले, इलेक्ट्रिक इंजिनीअर राजाराम कोरे, सुरक्षा अधिकारी प्रकाश कमळे, कार्यालय अधीक्षक अभिजीत पवार यांच्यासह या भागातील ऊस उत्पादक शेतकरी, तोडणी-वाहतूकार उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज