मंगळवेढा टाईम्स न्युज नेटवर्क ।
बीडच्या मस्साजोग गावचे सरपंच संतोष देशमुख यांच्या हत्या प्रकरणी सीआयडी तपासाला प्रचंड वेग आला आहे. या प्रकरणातील आरोपी वाल्मिक कराड हा आज स्वत:हून पुण्याच्या सीआयडी कार्यालयात सरेंडर झाला.
यानंतर नियमानुसार आरोपी वाल्मिक कराड याचं मेडिकल करण्यात आलं. त्यानंतर त्याला तातडीने बीडच्या केज कोर्टात आज रात्री उशिरा हजर करण्यात आलं. यावेळी आरोपीच्या रिमांडबाबत सुनावणी झाली.
यावेळी सरकारी वकील जे. बी. शिंदे यांनी वाल्मिक कराडला 15 दिवसांची पोलीस कोठडी देण्याचा जोरदार युक्तिवाद केला. तर वाल्मिक कराड सीआयडीला शरण आले आहेत.
मग जामीन मिळायला हवा, असा युक्तिवाद कराडचे वकील अशोक कवडे यांनी केला आहे. दोन्ही बाजूचा युक्तिवाद ऐकल्यानंतर कोर्टाने वाल्मिक कराडला 14 दिवसांची पोलीस कोठडी दिली आहे.
रात्री 10 वाजेनंतर केजच्या कोर्टात दोन्ही बाजूच्या वकिलांनी जोरदार युक्तिवाद केला. हा युक्तिवाद ऐकण्यासाठी कोर्टाच्या बाहेर कराड समर्थक आणि विरोधकांची तुफान गर्दी झाली होती. या पार्श्वभूमीवर कोर्ट परिसरात प्रचंड बंदोबस्त ठेवण्यात आला होता.
रात्री 11 वाजून 20 मिनिटांनी दोन्ही बाजूचा युक्तिवाद संपला. त्यानंतर कोर्टाने हा मोठा निर्णय दिला आहे. सीआयडीने 15 दिवसाची कोठडी मागितली होती. पण कोर्टाने 14 दिवसाची कोठडी दिली आहे. सीआयडीचं हे मोठं यश असल्याचं सांगितलं जात आहे.
सरकारी वकील युक्तिवाद
हत्येचा मुख्य आरोपी सुदर्शन घुले फरार आहे. त्यामुळे कराडची कोठडी महत्त्वाची आहे.
कराडच्या कोठडीशिवाय घुलेचा शोध घेणं कठीण आहे.
हत्या आणि खंडणीच्या गुन्ह्यात कराडचा सहभाग आहे का हे तपासायचे आहे.
मोबाईलवरचं संभाषण हे कराडचंच आहे का हे तपासायचं आहे.
तपासासाठी कराडला 15 दिवसांची पोलीस कोठडी द्या
संतोष देशमुख हत्येत वाल्मिक कराडचा हात आहे का? हे तपासायचं आहे.
सुदर्शन घुले हा वाल्मिक कराडच्या सांगण्यावरून काम करायचा.
वाल्मिक कराडने आणखी काही गुन्हे करून दहशत पसरवली आहे.
काम बंद करू, हातपाय तोडू अशी धमकी सुदर्शन घुलेने दिली होती
कराडचे वकील अशोक कवडे यांचा युक्तिवाद
फक्त खंडणी प्रकरणाचा आरोप आहे
कराडा हा गरीब सामाजिक कार्यकर्ता आहे
कराडांना या प्रकरणात जाणूबुजून अडकवलं जात आहे.
राजकीय द्वेषापोटी अडकवण्याचा प्रयत्न
2 कोटीची खंडणी मागितल्याचा आरोप आहे, त्यातील किती पैसे दिले हे साांगा
2 कोटींची खंडणी मागितली हा फक्त आरोप आहे
2 कोटींची खंडणी मागितली हा फक्त आरोप आहे
आवाजाचे नमूने द्यायला तयार आहोत, पण कोठडी नको
कराड सरेंडर झाले, आता जामीन द्या
मीडिया ट्रायल पाहून कोर्टाने निर्णय घेऊ नये
कराडला न्यायालयीन कोठडी द्यावी
सर्व पेपर तुमच्याकडे आहे, तुम्ही तपास करा. 308 हे कलम चुकीच्या पद्धतीने लावलं जात आहे.
कोर्टाबाहेर दमदाटी
सीआयडी पथक आणि बीड पोलीस आरोपी वाल्मिक कराडला घेऊन केजमध्ये दाखल होत नाही त्याआधीच केज कोर्टाबाहेर मोठी गर्दी जमलेली होती. वाल्मिक कराडच्या समर्थकांनी आणि त्याच्या विरोधकांनी केज कोर्टाबाहेर मोठी गर्दी केलेली बघायला मिळाली.
विशेष म्हणजे केज कोर्ट परिसरात त्याआधी वाल्मिक कराडच्या समर्थकांनी कोर्ट परिसरातील वाहनं बाहेर काढण्यावरुन कोर्ट कर्मचाऱ्यांना दमदाटी केल्याचा प्रकारही समोर आला होता. यानंतर थोड्या वेळाने सुनावणीच्या पार्श्वभूमीवर वाल्मिक कराडचे समर्थक आणि विरोधकांनी केज कोर्टाबाहेर मोठी गर्दी केली.
केज कोर्ट परिसरात पोलिसांचा लाठीचार्ज
वाल्मिक कराड हा केज कोर्ट परिसरात सुनावणीसाठी दाखल झाल्यास कोणताही अनुचित प्रकार घडू नये, याची काळजी पोलिसांकडून घेण्यात आली. त्यामुळे वाल्मिक कराड कोर्ट परिसरात दाखल होण्याआधी पोलिसांनी केज कोर्ट परिसरात जमलेल्या गर्दीला हटवण्यासाठी सौम्य लाठीचार्ज केला. सर्व गर्दी दूर बाजूला सारण्यात आली. त्यानंतर थोड्या वेळाने वाल्मिक कराडला तिथे आणण्यात आलं.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
