टीम मंगळवेढा टाईम्स ।
मंगळवेढ्याच्या वैभवात आणखी एक भर पडणार असून नगरपालिकेच्या टाऊन हॉलसाठी मुख्यमंत्री उद्धव ठाकरे यांनी वैशिष्ट्यपूर्ण योजनेतून पाच कोटी रुपयांचा निधी मंजूर केला असून याबद्दल महाविकास आघाडी सरकारचे आभार मानले जात आहेत.
तत्कालीन मुख्यमंत्री देवेंद्र फडणवीस यांच्या कार्यकाळात त्यांनी 2 कोटींचा निधी दिला होता.त्यानंतर आता ठाकरे सरकारने 5 कोटींचा निधी दिल्यामुळे मंगळवेढ्याचा विकास आता मोठ्या प्रमाणात होणार आहे.
सत्ताधारी सर्व नगरसेवक व नगराध्यक्षांनी गत निवडणुकीपूर्वी दिलेल्या जाहीरनाम्यातील शेवटच्या कामाला कोट्यवधी रुपयांची तरतूद झाल्यामुळे आगामी नगरपालिका निवडणुकीच्या पार्श्वभूमीवर या कामास मंजुरी ही निर्णायक ठरली.
शहरातील विविध सांस्कृतिक कार्यक्रमासाठी आठवडा बाजाराच्या शेजारील जागेत असलेले टाऊन हॉल इमारत धोकदायक झाल्यामुळे नगरपालिकेने नवीन इमारत बांधण्याबाबतचा सात कोटीचा प्रस्ताव शासनाला तीन वर्षांपूर्वी सादर केला.
हा प्रस्ताव गेली तीन वर्षे प्रलंबित होता. त्यामुळे शहरातील विविध सांस्कृतिक कार्यक्रमावर मर्यादा आल्या. पंढरपूर विधानसभा पोटनिवडणुकीच्या प्रचारा दरम्यान उपमुख्यमंत्री अजित पवार त्यांना नगराध्यक्ष अरुणा माळी यांनी प्रलंबित कामाबाबत आठवण केली.
त्यांनी या कामास निधी देण्याबाबत असा शब्द दिला होता. शिवाय नगरविकास मंत्री एकनाथ शिंदे यांना सोलापूर दौऱ्यात निधी देण्याबाबत मागणी केली. त्याप्रमाणे निधी मंजुरी बाबतचा शासन निर्णय नुकताच आला. या बाबत नगरपालिकेदेखील या संदर्भातील पत्र प्राप्त झाले.
सदरच्या प्रलंबित कामासाठी नगर विकास मंत्री एकनाथ शिंदे, पालकमंत्री दत्तात्रय भरणे, भगीरथ भालके, राहुल शहा, लतीफ तांबोळी, रामेश्वर मासाळ, पी बी पाटील, अरुण किल्लेदार, चंद्रशेखर कौडूभैरी, उपनगराध्यक्ष चंद्रकांत घुले,
पक्ष नेते अजित जगताप, प्रवीण खवतोडे, भागीरथी नागणे, संकेत खटके यांच्याबरोबर नगरपालिकेचे नगरसेवक व प्रशासनानी सहकार्य केले.
या नव्या कामामुळे शहरातील विविध सांस्कृतिक कार्यक्रम व कलाकार व साहित्यिकाला एक चांगल्या प्रकारचे व्यासपीठ यानिमित्ताने उपलब्ध होणार आहे.
नगरपालिका निवडणुकीच्या पार्श्वभूमीवर कोट्यवधी रुपयांच्या निधीची मंजुरी मिळाल्यामुळे त्याचा लाभ आगामी निवडणुकीत महा विकास आघाडीला होणार आहे.
शहराच्या सौंदर्यात या कामामुळे भर पडणार
जाहीरनाम्यात दिल्याप्रमाणे या कामाला 5 कोटीच्या निधीस मंजुरी महाविकास आघाडी सरकारने दिल्यामुळे शहराच्या सौंदर्यात या कामामुळे भर पडणार आहे. शिवाय हे अद्यायावत टाऊन हॉल माफक दरात विविध सांस्कृतिक कार्यक्रमासाठी उपलब्ध होणार आहे. – अरूणा माळी, नगराध्यक्ष
सर्वांच्या पाठपुराव्याला यश आले.
तत्कालीन मुख्यमंत्री देवेंद्र फडणवीस यांच्या कार्यकाळात आ.प्रशांत परिचारक यांच्या माध्यमातून प्रयत्न करून दोन कोटीचा निधी प्राप्त झाला होता.
दिगवंत आ.भारत भालके यांच्या माध्यमातून उपमुख्यमंत्री अजित पवार यांच्याकडे पाच कोटी निधी मागणी केली होती. नगराध्यक्षा व उपनगराध्यक्ष व पदाधिकाऱ्यांनी अजित पवार यांच्याकडे वारंवार मागणी केल्यानंतर पाच कोटी रुपयांचा निधी मंजूर केला आहे.- अजित जगताप,पक्षनेते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
