टीम मंगळवेढा टाईम्स ।
नवरा आपल्या मेहुणीला घेऊन बेपत्ता झाल्याची खळबळजनक घटना मंगळवेढा तालुक्यात घडली असून याप्रकरणी बायकोने मंगळवेढा पोलीस ठाण्यात तक्रार दिली आहे.
निखिल वासुदेव पाटील व सोनिका चिरंजीलाला राठोड बेपत्ता झालेल्या दोघांची नावे आहेत.
मंगळवेढा तालुक्यातील येड्राव परिसरातून ३२ वर्षीय पुरुष व १९ वर्षीय तरुणी मंगळवेढ्याला पाहुण्याकडे जावून येते असे सांगून घराच्या बाहेर पडले ते परतले नसल्याची लेखी तक्रार सदर पुरुषाच्या पत्नीने पोलीसात दिली असून पोलीस त्या दोघांचा कसून शोध घेत आहेत.
पोलीस सुत्रांनी दिलेली माहिती अशी, येड्राव परिसरातून वरील दोघेजण दि.१६ मे रोजी दुपारी ४.३० वाजता आम्ही दोघे मंगळवेढा येथील नातेवाईकाकडे जावून येतो असे सांगून घराच्या बाहेर पडले.
ते रात्री उशीरापर्यंत घरी परतलेच नाहीत. कुटुंबातील सदस्यांनी मंगळवेढ्यातील नातेवाईकाकडे व येड्राव परिसरात सर्वत्र आजूबाजूला, मित्र यांच्याकडे चौकशी केली असता ते मिळून आले नाहीत.
त्यांचे वर्णन पुढील प्रमाणे
३२ वर्षीय पुरुष-उंची ५.१० इंच, रंग सावळा, शिक्षण बारावी, शरीर बांधा मध्यम, अंगात नेसणेस पांढऱ्यां रंगाचा चेक्स शर्ट व काळ्या रंगाची पँट तर मुलीचे वय १९ वर्षे असून उंची ५ फुट, रंग गोरा, शिक्षण बारावी, शरीरबांधा सडपातळ,
अंगात नेसणेस नारंगी रंगाचा शर्ट व काळ्या रंगाची नाईट पँट अशा वर्णनाचे दोघे कोणाच्या निदर्शनास आल्यास त्यांनी तपासिक अंमलदार पोलीस हवालदार प्रमोद मोरे (९८३४८१७८१०) या क्रमांकावर संपर्क साधावा असे आवाहन करण्यात आले आहे.
घरात घुसून महिलेचा विनयभंग; चौघा विरुध्द गुन्हा दाखल
एक ४० वर्षीय विवाहित महिला भावाच्या घरी एकटी असल्याची संधी साधून तू मला खूप खूप आवडतेस तु माझे सोबत चल असे म्हणून विवाहितेस जवळ ओढून शरीराशी झोंबाझोंबी करत लज्जा वाटेल अस कृत्य करुन शिवीगाळी, दमदाटी केल्या प्रकरणी राहुल लक्ष्मण बनसोडे, लक्ष्मण महादेव बनसोडे, गंगूबाई महादेव बनसोडे, गौरी राहुल बनसोडे या चौघा विरुध्द मंगळवेढा पोलीसात गुन्हा दाखल झाला आहे.
पोलीस सुत्रांनी दिलेली माहिती अशी, यातील ४० वर्षीय विवाहित महिलेच्या पतीला दारुचे व्यसन असल्याने सदर फिर्यादी ही गेली २० वर्षापासून माहेरी भावाकडे राहते. दि.९ जून रोजी सकाळी ७.३० वाजता फिर्यादीच्या कुटूंबातील भाऊ व इतर लोक शेतातील कामामुळे घरातून शेतातकडे गेले होते.
तर फिर्यादी ही एकटीच घरात असल्याची संधी साधून आरोपी राहुल बनसोडे याने घरी येवून घरातील मानसे कोठे गेली आहेत? घरात कोणीच दिसत नाही? असे विचारले. त्यावेळी फिर्यादीने शेताच्या कामामुळे सर्वजण शेतात गेले असून स्वयंपाक करण्यासाठी मी घरी थांबली आहे असे सांगितले.
त्यावेळी आरोपीने जवळ येवून फिर्यादीचा हात पकडून तू मला खूप खूप आवडतेस तू माझेसोबत चल असे म्हणून जवळ ओढून मिठीत घेण्याचा प्रयत्न करीत असताना फिर्यादीने त्यास बाजूला हो असे म्हणत असताना तुझे घरकूलचे बांधकाम पैसे नसल्यामुळे थांबले आहे.
ते पैसे मी तुला देतो असे म्हणून फिर्यादीच्या अंगाला झोंबाझोंबी करु लागला त्यावेळी फिर्यादीने जोरात ओरडल्यामुळे आरोपीने जाताना फिर्यादीच्या गळ्यातील दीड तोळ्याचे सोन्याचे घंटण घेवून निघून गेला व जाताना घडल्या प्रकाराबाबत कोणाला बोलू नको जर बोललीस तर तुला जीवंत सोडणार नाही अशी धमकी देवून पळून गेला.
फिर्यादी ही घाबरली असल्यामुळे तिने भावास व भावजयीस फोन करुन ही घटना कथन करताच सदर दोघेजण घरी आले व सदरच्या घटनेबाबत जाब विचारण्यासाठी आरोपीकडे गेले असता वरील नमूद आरोपींनी शिवीगाळ करुन हातातील काठीने व लाथाबुक्क्‌यांनी मारहाण केली असल्याचे दिलेल्या फिर्यादीत म्हटले आहे. याचा अधिक तपास पोलीस करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
