टीम मंगळवेढा टाईम्स।
मंगळवेढा शहरालगत असलेल्या मित्रनगर भागात बंद घराच्या दरवाजाचे कुलूप तोडून घरात प्रवेश करून कपाटात ठेवलेले २ लाख २२ हजाराचे सोन्याचे दागिने व बचत गटाची रोख रक्कम चोरटयांनी चोरून नेल्याची घटना घडली असून याप्रकरणी अज्ञात चोरटयाविरूध्द गुन्हा दाखल झाला आहे.
पोलिस सुत्रांनी दिलेली माहिती अशी, यातील फिर्यादी रमाकांत सावळे यांचा मित्रनगर परिसरात बंगला असून दि.१० ते २० जूनच्या सकाळी ९ .३० पुर्वी
बंद घराच्या दरवाजाचे कुलूप तोडून अज्ञात चोरट्यांनी घरात प्रवेश करून कपाट उचकटून त्यामध्ये ठेवलेले ४८ हजार रुपये किमतीचे १२ ग्रॅम वजनाचे गंठण,
२८ हजार रुपये किमतीची ७ ग्रॅम वजनाची बोरमाळ , २३ हजार रुपये किमतीचे ६ ग्रॅम वजनाचे मणी , ८ हजार रुपये किमतीचे २ ग्रॅम वजनाची लेडीज अंगठी, ८ हजार रुपये किमतीचे २ ग्रॅम वजनाची नथ,
८ हजार रुपये किमतीचे २ ग्रॅम वजनाचे मणी मंगळसुत्र, ८ हजार रुपये किमतीचे २ ग्रॅम वजनाच्या कानातील रिंगा तसेच ९ हजार रुपये रोख असा एकूण २ लाख २२ हजार रुपये किमतीचा मुद्देमाल चोरटयांनी चोरून नेल्याचे दिलेल्या फिर्यादीत म्हटले आहे.
याचा अधिक तपास सहाय्यक पोलिस निरिक्षक अंकुश वाघमोडे हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज