टीम मंगळवेढा टाईम्स ।
पाठीमागुन भरधाव वेगाने येणाऱ्या कारने महिंद्रा पिक अप वाहनास जोराची धडक दिली यात जालिंदर बाजी खिलारे (वय 70, ब्रह्मपुरी) यांचा जागीच मृत्यू झाला आहे.
ही घटना आज सकाळी मंगळवेढा-सांगोला रोडवरील कचरेवाडी गावच्या शिवारात घडली आहे.
याबाबत पोलीस सूत्रांकडून मिळालेली अधिक माहिती अशी की, आज सकाळी 7.15 च्या सुमारास यातील मयत जालिंदर बाजी खिलारे हे मुलगी हिस भेटण्याकरीता खर्डी ता.पंढरपुर येथे जाणेकरीता
फिर्यादीच्या गावातील समाधान सुभाष पवार यांचे महिंद्रा पिक अप नंबर (MH 14KA 1395) मधुन ब्रम्हपुरी ते मंगळवेढा मार्गे सांगोलाकडे जात असताना
कचरेवाडी गावचे शिवारातील वामन सहदेव माने यांचे शेताजवळुन जात असताना पाठीमागुन येणाऱ्या ह्युंदाई (आय 10) वाहन नंबर (GA 03R 4525) चे चालक संदिप संभाजी पाटील ₹रा.इस्लापुर ता.किणवट जि. नांदेड) हा त्याचे ताब्यातील कार भरधाव वेगात निष्काळजीपणे रोडचे परिस्थितीकडे लक्ष न देता भरधाव वेगात येवून
महिंद्रा पिक अप वाहनास जोराची धडक देवुन त्यास रोडचे साईडचे खड्यात पाडुन त्यामध्ये बसलेल्या यातील मयत फिर्यादीचे वडील जालिंदर बाजी खिलारे यांच्या डोकीस मार लागुन गंभीर जखमी होवुन मयत झाले.
व गाडीत असलेले समाधान सुभाष पवार (वय 40 रा.बहापुरी ता.मंगळवेढा) याच्या पायाला व अंगाला गंभीर दुखापत करुन तसेच सुभाष हरिदास पवार (वय 65, रा.ब्रह्मपुरी ता.मंगळवेढा) व पिक अप ड्रायव्हार समाधान मालोजी कोकरे (वय 35 रा . ब्रह्मपुरी ता. मंगळवेढा) या दोघांना मुक्का मार लागला आहे.
तरी वरील कार चालक हा सर्वाना गंभीर जखमी करुन व स्वतः किरकोळ जखमी होवुन फिर्यादीच्या वडिलांच्या मृत्यूस व वरील दोन्ही वाहनाचे मिळुन 2 लाख 50 हजार रुपयांचे नुकसानीस कारणीभूत झाले असल्याचे दिलेल्या फिर्यादीत म्हंटले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
