मंगळवेढा टाईम्स वृत्तसेवा । सावित्रबाई फुले यांनी शिक्षणांची सुरवात करून महिलांना शिक्षणाचे दरवाजे खुले करून दिल्याने. आजच्या युगातील प्रत्येक स्त्री शिक्षणामुळे मोठ-मोठ्यापदावर कार्यरत असल्याचे दिसून येत आहे. दरम्यान मंगळवेढा आगाराच्या महिला आगार प्रमुख मधुरा संदीपान जाधवर यांनी आपल्या कौशल्याच्या जोरावर मंगळवेढा आगार सन 2017-2018 या आर्थिक वर्षात सलग वर्षभर जिल्ह्यात पहिल्या क्रमांकावर आणुन हम.. भी.. किसी से कम नही असा नारा दिला आहे.
मंगळवेढा आगारात आगार प्रमुख म्हणून जुन 2016 मध्ये मधुरा जाधवर यांनी मंगळवेढ्याची सुत्रे स्वीकारली.
पदभार स्वीकारल्यानंतर त्यांनी आगारात असलेल्या बसेस व त्यांचे मिळणारे उत्पन्न याची गोळा बेरीज केली असता उत्पन्नाच्या बाबतीत मंगळवेढा आगार जिल्ह्यामध्ये पिछाडीस असल्याचे जाणवले. सुक्ष्म अभ्यासानंतर त्यांनी चालक, वाहक व इतर कामगार यांची बैठक घेवून एसटीचे उत्पन्न कसे वाढेल याबाबत मागदर्शन केले.
याचा इफेक्ट सन 2017-2018 या आर्थिक वर्षात दिसून आला. जिल्ह्यामध्ये मंगळवेढा आगाराने उत्पन्नांच्या बाबतीत बाजी मारल्याने आगार प्रमुख व कर्मचारी यांच्यावर वरिष्ठाकडून कौतुकाचा वर्षावर झाला. एक महिला पुरूषाच्या खांद्याला खांदा देऊन काय करून शकते याचे ज्वलंत उदाहरण आगार प्रमुख जाधवर यांनी एस.टी. उत्पन्नात वाढ करून दाखवून दिले. आगार प्रमुख जाधवर यांच्या नोकरीची सुरवात ऑगस्ट 2015 मध्ये सोलापूर येथून झाले. उच्चपदावर आपली मुलगी काम करीत असल्याचे पाहून आई-वडील यांचे हृदय भरून आले. गरीब कुटुंबातून मधुरा जाधवर यांनी एम.एस्सी शिक्षण पुर्ण करून त्या स्पर्धा परिक्षेतून एस.टी महामंडाळात आगार प्रमुख या पदावर निवड झाली.
यांच्या सेवेत मंगळवेढा आगाराला विठाई या नीवन मॉडेलच्या व अन्य नवीन तीन बसेस प्राप्त झाल्या. या नवीन बसेस सद्या लांब पल्ल्याच्या मार्गावर धावत असून, प्रवाश्यांचा या गाडीला चांगला प्रतिसाद मिळत आहे. भविष्यातही मंगळवेढा आगार उत्पन्नाच्या बाबतीत सुस्थितीत राहील यासाठी त्या प्रयत्नशील आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
