टीम मंगळवेढा टाईम्स ।
उजनी धरणामध्ये सध्या ५१ टक्के पाणीसाठा झाला असून सोलापूर जिल्ह्यात पाऊस न झाल्यामुळे ऊसासह सर्व पिके जळू लागली आहेत. यामुळे पाटबंधारे विभागाने उजनी धरणातून उजव्या व डाव्या कालव्यातून पाणी सोडून शेतकऱ्यांना दिलासा द्यावा, अशी मागणी धनश्री परिवाराचे नेते प्रा.शिवाजीराव काळुंगे यांनी केली आहे.
सोलापूर जिल्ह्यात राज्यातील सर्वाधिक साखर कारखाने आहेत. जिल्ह्यातून साखर उत्पादन मोठ्या प्रमाणात होते. जिल्ह्यातील शेतकऱ्यांचा प्रमुख व्यवसाय शेती असून साखर कारखानदारीवर संपूर्ण जिल्हा अवलंबून आहे.
निम्मा जुलै महिना संपला तरी अपेक्षित पाऊस झालेला नाही, उसाचे पीक करपू लागले आहे. याशिवाय इतर सर्व पिकांवर देखील गंभीर परिणाम झाला आहे.
शेतीबरोबर पिण्याच्या पाण्याचा प्रश्नही गंभीर होत चालला आहे. अशा परिस्थितीत मुख्यमंत्री देवेंद्र फडणवीस यांनी येणाऱ्या नैसर्गिक आपत्तीला एल निनोची भीती असल्यामुळे धरणात पाणी असून सोडण्याचे आदेश दिलेले नाहीत. मात्र, उसाचे पीक नष्ट झाले तर न भरून येणारे नुकसान होणार आहे.
उजनी धरणात ३५ टीएमसी पाणी उपलब्ध असताना केवळ दोन टीएमसी पाणी डाव्या उजव्या कालव्यातून सोडण्याची आवश्यकत आहे. यासाठी यापूर्वी पालकमंत्री जयकुमा गोरे, पाटबंधारे मंत्री राधाकृष्ण विखे-पाटील यांच्याकडे पाठपुरावा केला आहे.
मुख्यमंत्री देवेंद्र फडणवीस यांनी उजनीतून पाणी सोडण्याचे आदेश देत शेतकऱ्यांना दिलासा द्यावा, अशी मागणी प्रा.शिवाजीराव काळुंगे यांनी निवेदनाद्वारे केली आहे.
या निवेदनावर जकराया साखर कारखान्याचे चेअरमन अॅड.बी. बी. जाधव, पाणी चळवळी मंगळवेढा तालुक्याचे निमंत्रक अॅड.बी.बी पवार, उपनगराध्यक्ष प्रा. येताळा भगत, अॅड. राहुल घुले आदींच्या स्वाक्षरी आहेत.।
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
