टीम मंगळवेढा टाईम्स ।
पंढरपूरला देवदर्शनासाठी जाणाऱ्या भाविकांच्या दुचाकीला पाठीमागून येणाऱ्या कारने जोराची धडक दिल्याने झालेल्या भीषण अपघातात एका २२ वर्षीय तरुणीचा जागीच मृत्यू झाला.
हा अपघात काल दि.३० मार्च २०२६ रोजी दुपारी ३ वाजेच्या सुमारास मंगळवेढा बायपास रोडवरील नॅशनल हायवे क्र. १६६ वरील वीटभट्टीजवळ घडला.
नेमकी घटना काय?
उत्तर सोलापूर तालुक्यातील पाथरी येथील अंजली विजय वाघमारे ही तरुणी तिचा होणारा पती प्रशांत मघरुमखाणे याच्यासोबत
युनिकॉर्न मोटारसायकलवरून (क्र. MH 13 EE 6683) देवदर्शनासाठी पंढरपूरकडे निघाली होती.
मंगळवेढा बायपास रोडवरून जात असताना पाठीमागून भरधाव वेगाने आलेल्या मारुती सुझुकी कारने (क्र. MH 10 EE 9576) त्यांच्या दुचाकीला जोरात धडक दिली.
तरुणीचा जागीच मृत्यू
ही धडक इतकी भीषण होती की, अंजली वाघमारे हिच्या डोक्याला आणि बरगड्यांना गंभीर दुखापत झाल्याने तिचा मृत्यू झाला. तर प्रशांत मघरुमखाणे हा तरुण हातापायाला मार लागल्याने जखमी झाला आहे. या अपघातात दुचाकीचे अंदाजे १० हजार रुपयांचे नुकसान झाले असून कार चालक अपघातस्थळावरून फरार झाला आहे.
याप्रकरणी मृताचे मामा जयप्पा महादेव गायकवाड (वय ४६, रा. पाथरी) यांनी मंगळवेढा पोलीस ठाण्यात फिर्याद दिली आहे.
पोलिसांनी अज्ञात कार चालकाविरुद्ध BNS कलम २८१, १०६(१), १२५(a), १२५(b) आणि मोटार वाहन कायदा कलम १८४ अन्वये गुन्हा दाखल केला आहे.
मंगळवेढा पोलीस निरीक्षक यांच्या मार्गदर्शनाखाली महिला पोलीस उपनिरीक्षक आरती कणिरे या प्रकरणाचा पुढील तपास करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
