टीम मंगळवेढा टाईम्स ।
मंगळवेढा नगरपालिकेची रणधुमाळी आता अंतिम टप्प्यात आली असून राष्ट्रवादी काँग्रेस पक्षाच्या नगरसेवक पदासाठीच्या अधिकृत उमेदवार पांडुरंग शिवाजी नाईकवाडी यांच्याकडून प्रभागामध्ये जोरदार प्रचार करण्यात आला.
नाईकवाडी यांच्या सामाजिक कार्याची पोच पावती जनता देणार असल्याचे बोलले जात आहे.
पांडुरंग शिवाजी नाईकवाडी यांच्याकडूनही प्रभाग 9 मध्ये प्रचार सुरु करण्यात आला असून मतदारांनी आत्तापर्यंत केलेल्या कार्याची दखल घेतली आहे.
यावेळी त्यांच्यासोबत नगराध्यक्ष पदाच्या उमेदवार सुजाता अजित जगताप उपस्थित होत्या. दोन्ही उमेदवार एकाच वेळी प्रभागामध्ये आल्यामुळे नागरिकांचा देखील उत्स्फूर्त प्रतिसाद पाहायला मिळाला.
अडीअडचणी समजून घेतल्या
प्रभागातील नागरिकांच्या घरोघरी जात त्यांच्या भेटीगाठी घेत उमेदवारांकडून त्यांच्या अडीअडचणी समजून घेण्यात आल्या. तसेच प्रभागाबद्दलचे असलेले विकासाचे स्वप्न त्यांच्यापुढे मांडण्यात आले. त्यामुळे एक विश्वास मतदारांमध्ये निर्माण झाला.
प्रत्येक घराघरात पोहोचण्याचा प्रयत्न
मंगळवेढा नगरपालिकेचा प्रभाग क्रमांक 9 हा मोठा भाग असल्यामुळे याठिकाणी मोठ्या प्रमाणात नागरी वस्ती आहे. त्यामुळे प्रत्येक घराघरात पोहोचण्याचा प्रयत्न पांडुरंग नाईकवाडी करीत आहेत.
सलग 4 वर्ष सरपंच पद भूषवले
गैबीपीर देवस्थानचे सलग चार वर्ष सरपंच पद भूषवले आहे येणाऱ्या कार्यकाळात मोठ्या प्रमाणात सुशोभीकरण करायचे असल्याचे त्यांनी सांगितले.
नियोजनबद्धरित्या विश्वास करणार
यावेळी प्रर्भागात असणाऱ्या लहान मोठ्या सर्व समस्यांची सोडवणूक करण्यासाठीचे व्हिजन नाईकवाडी यांनी नागरिकांसमोर मांडले. त्यासोबत सुजाता जगताप यांनी देखील प्रभागाचा विकास नियोजनबद्धरित्या करण्यासाठीचा विश्वास व्यक्त केला.
प्रत्यक्ष अंमलबजावणी करणार
प्रभाग क्रमांक 9 मध्ये असणारी कचऱ्याची समस्या, सार्वजनिक शौचालयाची समस्या, रस्ते समस्या सोडविण्यासाठी सुयोग्य नियोजन करण्यात आले असून त्याची प्रत्यक्ष अंमलबजावणी करणार असल्याचे, पांडुरंग नाईकवाडी यांच्याकडून सांगण्यात आले.
यावेळी उपस्थित महिला भगिनींनी प्रभाग क्रमांक 9 मधून पांडुरंग नाईकवाडी आणि नगराध्यक्ष पदाच्या उमेदवार सुजाता जगताप विक्रमी मतांनी निवडून येतील, असा विश्वास व्यक्त केला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
