मंगळवेढा टाईम्स न्युज नेटवर्क।
लातूर येथील एका मुस्लिम तरुणाच्या अनोख्या विठ्ठलभक्तीचे आणि समतेचे दर्शन झाले. दगड फोडून कुटुंबाचा उदरनिर्वाह करणाऱ्या गणी सय्यद या मुस्लिम तरुणाने विठुरायाच्या चरणावर एक लाख रुपये किमतीचा एक किलो वजनाचा चांदीचा मुकुट अर्पण केला.
देव, देश आणि धर्म एक असल्याचा संदेशही सय्यद यांनी आपल्या कृतीतून दिला. मशिदीमध्ये जावून नमाज पठण करणारा गणी सय्यद शुक्रवारी (ता. २७) थेट गाभाऱ्यात जाऊन विठुरायाच्या चरणावर लीन झाला.
त्याच्या या अनोख्या विठ्ठल भक्तीचे सर्वत्र कौतुक होत आहे. त्याच्या भक्तीने भारावलेल्या विठ्ठल मंदिर समितीचे सहअध्यक्ष गहिनीनाथ महाराज यांनी त्याचा सत्कार केला.
वारकरी संप्रदाय आणि श्री विठ्ठल हे समतेचा प्रतीक मानले जाते. याच विठ्ठलाचे सर्व धर्मीयांमध्ये भक्त आहेत. लातूर येथील मुस्लिम समाजातील गणी सय्यद हा देखील एक विठ्ठलभक्त आहे. विठ्ठल मंदिर जतन आणि संवर्धनाचे काम सुरू आहे.
यामध्ये त्याला मंदिरासाठी लागणारा दगड फोडून देण्याचे काम मिळाले आहे. त्यामुळे त्यांचे मंदिरात येणे जाणे वाढले आणि तिथेच तो विठ्ठलाचा भक्त झाला. त्यातूनच तो आज धर्म आणि जातीच्या भिंती तोडून विठ्ठलाच्या पायावर एक देवाचा लाडका भक्त म्हणून लीन झाला.
आपण देवाचे काही देणे लागतो, या भावनेतून त्याने एक लाख रुपये किमतीचा एक किलो वजनाचा चांदीचा मुकुट अर्पण केला.
अंतःकरणात शुद्ध भाव असावा
मी मुस्लिम असलो तरी मी आणि माझे कुटुंबीय भजन, कीर्तन ऐकण्यासाठी जातो. देव एकच आहे. अंतःकरणात शुद्ध भाव असला पाहिजे, अशी भावनाही गणी सय्यद यांनी व्यक्त केली.
देव आणि धर्माच्या नावा वरून राजकारण करून धार्मिक द्वेष निर्माण करून भेदभाव करणाऱ्यांना गणी सय्यद यांच्या विठ्ठल भक्तीने चांगली चपराक दिली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
