मंगळवेढा टाईम्स न्युज नेटवर्किंग ।
सुप्रसिद्ध मेंदू रोग तज्ञ डॉ.शिरीष वळसंगकर यांच्या आत्महत्या प्रकरणात आता नवीन ट्विस्ट पाहायला मिळत आहे. डॉ. शिरीष वळसंगकर यांच्या डोक्यात गोळी घालून आत्महत्या केली होती. दोन महिन्यानंतर सोलापूर शहर पोलिसांनी 720 पानांचे दोषारोपपत्र न्यायालयात सादर केले असल्याचे वृत्त news18 marathi ने प्रसिध्द केले आहे.
डॉ.वळसंगकर यांच्या आत्महत्या प्रकरणात अटक असलेल्या संशयित आरोपी मनीषा माने मुसळे याच कारणीभूत असल्याचा पोलिसांनी दावा केला आहे.. त्यांच्या विरोधात पोलिसांनी 720 पानांचे दोषारोप पत्र न्यायालयात सादर केले आहे.
कौटुंबिक कलहाचा सामना करणाऱ्या डॉ.शिरीष वळसंगकर यांना 17 एप्रिल रोजी त्यांच्या रुग्णालयाच्या प्रशासकीय अधिकारी मनिषा यांनी दोन पानी ई-मेल केला. तोच ई-मेल डॉ.शिरीष यांची पत्नी डॉ.उमा, मुलगा डॉ.अश्विन आणि सून डॉ.शोनाली यांनाही पाठविला होता. त्याच दिवशी दुपारी पावणेपाच आणि सायंकाळी सव्वापाच या वेळेत 56 मिनिटे मनिषा यांनी डॉ.शिरीष यांच्या केबिनमध्ये जाऊन त्यांची भेट घेतली होती.
दि.18 एप्रिल रोजी सायंकाळी साडेसहा वाजता आणि सव्वासातच्या सुमारास डॉ.शिरीष यांनी मुलगा डॉ. अश्विन यांना आपल्याला होणाऱ्या त्रासाबद्दल भेटून आणि फोनवरून माहिती दिली होती. ‘मनिषा मुसळे हिच्यामुळे होणारा त्रास मी विसरू शकत नाही, सहनही करू शकत नाही.त्यामुळे मी माझे जीवन संपविण्याचा निर्णय घेतला आहे.
रुग्णालयासमोर जाळून घेऊन आत्महत्या करण्याचीही धमकी
मनिषा हिची रुग्णालयातील अरेरावी आणि पैशांचा गैरव्यवहार समजल्यावर डॉ.शिरीष यांनी डिसेंबर 2024 पासून तिचे अधिकार कमी केले होते.त्यामुळे चिडलेल्या मनीषाने डॉ.शिरीष यांना भेटून आणि फोनवरून सतत बदनामी व प्रतिमा मलिन करण्याची धमकी दिली.
ई-मेल पाठवून मुलांना मारून स्वत: रुग्णालयासमोर जाळून घेऊन आत्महत्या करण्याचीही धमकी दिली होती,असे पोलिसांनी त्यांच्या दोषारोपपत्रात म्हटले आहे.आता मनीषाचे वकील प्रशांत नवगिरे त्या दोषारोपपत्राचा अभ्यास करून सुनावणीवेळी न्यायालयात बाजू मांडतील.न्यायालयाच्या सुनावणीकडे आता सर्वांचेच लक्ष लागले आहे. तत्पूर्वी, मनीषाच्या जामीन अर्जावर आज सुनावणी पार पडणार आहे.
आतापर्यंत काय काय झालं?
तपासाचे एकूण दिवस – 58
एकूण साक्षीदार – 73
जप्त केलेल्या वस्तू – 19
जप्त केलेली कागदपत्रे -108
दोषारोपपत्र – 720 पाने
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
