कै.भगवानराव भाकरे यांच्या पुण्यतिथीनिमित्त आंधळगाव येथे आज विविध कार्यक्रम; गोरगरीब, होतकरू विद्यार्थ्यांच्या शालेय साहित्यासाठी अर्थसाह्य देण्यात येणार

टीम मंगळवेढा टाईम्स।

मंगळवेढा पंचायत समितीचे माजी सभापती स्व. भगवान भाकरे यांच्या २२ व्या. पुण्यस्मरण दिनानिमित्त आज शनिवार दि.३१ ऑगस्ट रोजी सकाळी ९.०० वाजता

कै.भगवानराव भाकरे शेतकरी सहकारी दूध उत्पादक संस्था आंधळगाव येथे उपस्थित मान्यवरांच्या हस्ते त्यांच्या प्रतिमेचे पूजन करण्यात येणार आहे अशी माहिती दामाजी शुगरचे माजी संचालक पांडुरंग भाकरे यांनी दिली आहे.

जिल्हा परिषद शाळा आंधळगाव येथील गोरगरीब विद्यार्थ्यांसाठी साहित्यासाठी शालेय अर्थसहाय्य करण्यात येणार आहे.

त्यानिमित्त श्री सद्गुरू सीताराम महाराज साखर कारखाना खर्डी युनिट १ व आष्टी युनिट २ च्या मुख्य कार्यकारी अधिकारी डॉ. राजलक्ष्मी काळुंगे- गायकवाड

तसेच लेखिका व साहित्यप्रेमी डॉ. जयश्री भाकरे व इतर मान्यवरांच्या उपस्थितीत गोरगरीब व होतकरू विद्यार्थ्यांच्या शालेय साहित्यासाठी अर्थसाह्य शाळेला देण्यात येणार आहे.

तसेच आंधळगाव व पंचक्रोशीतील जे शासकीय सेवा बजावून सेवानिवृत्त झाले आहेत अशा कर्मचाऱ्यांचा व विविध पदावर नव्याने रुजू झालेल्या गुणवंताचा सत्कार समारंभ पार पडणार आहे.

तरी आंधळगाव व परिसरातील नागरिकांनी उपस्थित राहावे असे आवाहन हिम्मतराव भाकरे यांनी केले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.