बाळासाहेब झिंजुरटे । सांगोला शहरातील पुजारवाडी या भागात एका रुग्णाचा कोरोना अहवाल पॉझिटिव्ह आला आहे.त्यामुळे सांगोला शहर व तालुक्यातील नागरिकांनी सतर्क राहावे असे आवाहन करण्यात येत आहे.
सांगोला येथील एका पुरुष रुग्णांचा आज दि.13 जुलै रोजी कोरोना चाचणी अहवाल पॉझिटिव्ह आला आहे. सदर पुरुष व्यक्ती सांगोला पुजारीवाडी येथील स्थानिक रहीवासी आहे.
याबाबत वस्तुस्थिती अशी की, सदर पुरुष व्यक्ती हि 72 वर्षाची आहे. दोन दिवसापुर्वी सदर व्यक्तीस त्रास जाणवु लागल्याने सांगोला येथील खाजगी रुग्णालयात उपचारासाठी आली होती.परंतु उपचारकरणेवळी प्राथमिक चौकशी मध्ये आधिक त्रास असलेने सदर व्यक्तीस सोलापूर येथे पाठविणेत आलेले होते.
सोलापूर येथेच त्यांचा कोरोना चाचणी अहवाल घेणेत आलेला होता तो आज रोजी पॉझिटिव्ह आला आहे. त्यांचेवर सोलापूर येथे उपचार चालु आहेत.सदर पुरुष व्यक्तीचे संपर्कात आलेले high risk contacts आणि low risk contacts शोधणेचे कामकाज सुरु करणेत आलेले आहे.
सांगोला शहर व परीसरामध्ये प्रतिबंधात्मक आदेश जाहीर करणेची कार्यवाही प्रशासनामार्फत सुरु करणे आलेली आहे. तसेच आरोग्य विभागा मार्फत सर्वेक्षणाचे कामकाजाचे नियोजन सुरु करणेत आले आहे. आवश्यकते नुसार पुढील कार्यवाहीसाठी प्रशासन सज्ज आहे.
तसेच वाकी (घेरडी) ता.सांगोला येथील एक पुरुष व्यक्ती पॉझिटिव्ह असुन त्याचेवर सोलापूर येथे अलहीदा उपचार सुरु आहेत. सदर व्यक्तीचे निकट संपर्कातील 7 high risk contacts यांचेवर मेडशिंगी कोविड केअर केंद्रामध्ये उपचार चालु आहेत.उपचारा दरम्यान त्यांचे कोरोना चाचणी अहवाल घेणेत आलेले होते त्या 7 जणांचे अहवाल आज रोजी निगटिव्ह आलेले आहेत.
त्यामुळे नागरीकांनी कोणत्याही अफवांवर विश्वास ठेवू नये असे आवाहन उपविभागीय अधिकारी उदयसिंह भोसले यांनी केले आहे.
—————————
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
