बापाचे पाऊल वाकडे पडले,मुलाने त्याला यमसदनी धाडले; बेकरी चालकाच्या हत्येचे गूढ उकलले

टीम मंगळवेढा टाईम्स । वयाच्या साठीकडे झुकलेल्या बापाचे बाहेर असणारे अनैतिक संबंध,त्यातून घरात होणारे वाद यामुळे अगोदरच घरात भांडण पेटलेले. त्यात पुन्हा बापाचे घरातच पाऊल वाकडे पडले.तेव्हा खवळलेल्या मुलाने जन्मदात्या बापाचाच गेम करून मृतदेहास टेंपोला आग लावली. पुन्हा स्वत : च पोलीस ठाण्यात येऊन फिर्याद दिली. पण फिर्याद देताना चाचपडला आणि तिथेच पोलिसांना संशय आला. पोलिसी खाक्या बसताच खुनी पोरगा बोलता झाला. त्यातून खुनाचा उलगडा झाला आणि मुलासह तिघांच्या हातात बेड्या पडल्या.

टेंभुर्णी येथील बेकरी चालकाच्या हत्येचा छडा पोलिसांनी लावला आहे. मुलानेच सहकाऱ्यांच्या मदतीने बापाची हत्या केल्याचं उघड झालं आहे. माढा तालुक्यातील शिराळ( टें) येथील एका व्यक्तीचा अत्यंत क्रुरपणे खून करुन मृतदेह टमटमसह जाळून पुरावा नष्ट करण्याचा प्रकार काल उघडकीस आल्याने खळबळ उडाली होती. मात्र पोलिसांनी 24 तासात या हत्येचा गुंता सोडवला असून चारित्र्यहीन बापाची हत्या त्याच्या पोटच्या पोराने केल्याचे समोर आले आहे.

पोलिसांनी सध्या या प्रकरणात हत्या झालेला संजय काळे याचा मुलगा व या प्रकरणातील फिर्यादी आकाश काळे यांच्यासह त्याच्या दोन सहकाऱ्यांना अटक केली आहे. संजय काळे यांना टेंभर्णी-अकलूज रोडजवळील उजनी डावा उजवा कालव्याच्या साईटपट्टीला मारून त्यांचा मृतदेह वाहनासह जाळून टाकण्याचा प्रकार घडला होता.

या प्रकरणात करमाळा पोलीस उपअधीक्षक प्रशांत हिरे यांनी संजय काळे याची माहिती गोळा करताना त्याचे चारित्र्य संशयास्पद वाटल्याने अधिक चौकशी करता त्याचा मुलगाच यात सामील असल्याचा संशय आल्यावर त्याला ताब्यात घेतले. त्यानंतर संपूर्ण प्रकरणाचा उलघडा झाला.

या हत्येत आकाश याने त्याचे मित्र लक्ष्मण बंदपट्टे व आलम मुलाणी यांची मदत घेतल्याचे कबूल केले. वडिलांच्या वादग्रस्त चारित्र्यामुळे या बाप-लेकात कायम वादंग होत होते. याच वादातून आकाश याने वडिलांची हत्या करून वाहनावर त्यांचा मृतदेह ठेवून जाळण्याचा प्रयत्न केल्याची कबुली दिली. त्यानंतर पोलिसांनी या तिघांनाही अटक केली आहे. आरोपींना आज न्यायालयात हजर केले असता न्यायलयाने आरोपींना सहा दिवसांची पोलीस कोठडी सुनावली आहे.

रविवारी (26 जुलै) शेवरे येथे उजनी कालव्याचा उजव्या बाजूचा रस्त्यालगत लोकांना एक वाहन पूर्णपणे जळालेल्या अवस्थेत दिसून आलं होतं. काही नागरिकांनी जवळ जाऊन पाहिले असता त्यात अर्धवट जळालेल्या अवस्थेत मृतदेहही दिसला. हा मृतदेह संजय काळे यांचाच असल्याचं कुटुंबीयांनी सांगितलं. शरीराचे छातीपासून थोडावरचा भाग शीर आणि एक हात शाबूत होता. उर्वरित शरीर पूर्णपणे जळून खाक झाले होते. चेहऱ्यावर धारदार शस्त्राने वार करुन निर्घृणपणे हत्या करुन मृतदेह वाहनासह जाळण्यात आला होता.

solapur madha temburni murder news son himself killed the characterless father

—————————

???? राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 95 6161 7373 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 95 6161 7373 या नंबरला WhatsApp करा आणि लिहा “Mangalwedha Times News”

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज