टीम मंगळवेढा टाईम्स । सोलापूर जिल्ह्यातील ग्रामीण भागात कोरोनाची संख्या दिवसेंदिवस वाढतच चालली असून आज पंढरपूर शहर आणि तालुक्यातील 260 जण कोरोना पॉझिटिव्ह आढळून आले असल्याची माहिती समोर आली आहे. ( Pandharpur corona update news )
आज बुधवारी सायंकाळी 8 वाजेपर्यंत मिळालेल्या एकूण अहवालानुसार शहर व तालुक्यातील एकूण रुग्ण संख्या 1 हजार 475 एवढी झाली आहे. तर बुधवारी जिल्हाधिकारी कार्यालयाकडून आलेल्या अहवालात 135 लोक पॉझिटिव्ह आले आहेत.
तर पंढरपूर शहर आणि ग्रामीण भागात केलेल्या रॅपिड अँटीजन टेस्टमध्ये 125 लोकांचे अहवाल पॉझिटिव्ह आले आहेत. त्यामुळे बुधवारी एकूण 260 अहवाल पॉझिटिव्ह आले आहेत आणि एकूण रुग्ण 1475 एवढे झाले आहेत. आणि 26 लोकांचा कोरोनामुळे मृत्यू झाला आहे.
पंढरपूर शहरात कोरोनाची संख्या वाढत असून याला आवर घालण्यासाठी प्रशासनाने शहरात 7 दिवसांची संचारबंदी लागू केली आहे. गुरुवार संचारबंदीचा शेवटचा दिवस आहे. त्यामुळे वाढती रुग्ण संख्या पाहता संचार बंदी वाढते की उठवली जाते याकडे लक्ष लागले आहे.
बुधवारी आलेल्या अहवालानुसार शहरात गणेश नगर, गांधी रोड , इसबावी , कडबे गल्ली , महावीर नगर , माळी वस्ती , नामदेव मंदिराजवळ , iti कोलेजजवळ , रुक्मिणी नगर , तुळशी नगर , यासह ग्रामीण भागातील भांडीशेगाव , वाखरी , तुंगत , कासेगाव , खेडभोसे , ओझेवाडी , रोपळे , कासेगाव , करकंब , खेडभाळवणी आदि गावात हे रुग्ण आढळले आहेत.
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
