टीम मंगळवेढा टाईम्स ।
ऊसाचे बिल मला दे असे म्हणून आईला व भावाला शिवीगाळ करून कमरेच्या पट्टयाने मारहाण केल्याप्रकरणी माजी सैनिक कुंडलिक दामोदर गणपाटील (मरवडे), परमेश्वर पांडुरंग रणे, नितीन महादेव रणे (दोघे रा.ब्रम्हपुरी) यांना दोषी धरून
मंगळवेढयाचे न्यायाधीश जी.एम.चरणकर यांनी तीन महिने साधी कैद व एक हजार रुपये दंड, दंड न भरल्यास सात दिवस साधी कैद अशी शिक्षा सुनावली आहे.
या घटनेची हकिकत अशी, यातील आरोपी तथा माजी सैनिक कुंडलिक दामोदर गणपाटील व जखमी फिर्यादी गोरख दामोदर गणपाटील हे नात्याने सख्खे भाऊ आहेत.
आरोपी कुंडलिक याने दि.30 मार्च 2012 रोजी दुपारी 1.30 च्या दरम्यान मरवडे गावच्या शिवारात घरासमोर बसलेल्या आई गंगाबाईला ऊसाचे बिल मला दे म्हणून शिवीगाळ करीत असताना
जखमी फिर्यादी म्हणाला, आईला बिल कशाला मागतो असे म्हणताच आईस शिवीगाळ करीत हातातील कमरेच्या पट्टयाने मारहाण करीत असताना फिर्यादी सोडविण्यास गेला त्यावेळी फिर्यादीला
यातील आरोपी सिध्देश्वर रणे, परमेश्वर रणे, नितीन रणे व इतर सहा लोकांनी मारहाण केल्याची सोन्याचे दागिने व रोख रक्कम असा एकूण 90 हजार रुपयांचा मुद्देमाल बळजबरीने काढून घेतल्याचे दाखल केलेल्या फिर्यादीत गोरख गणपाटील याने म्हटले होते.
आरोपी सिध्देश्वर पांडुरंग रणे हा अदयापही फरार आहे. याचा तपास सहाय्यक पोलिस निरिक्षक एस.एस.चव्हाण यांनी करून दोषारोपपत्र न्यायालयात दाखल केले होते.
यावेळी फिर्यादीची आई गंगाबाई,पत्नी रेखा,वैदयकिय अधिकारी पाटील व तपास अधिकारी चव्हाण यांच्या साक्षी महत्वाच्या ठरल्या.
तीघांच्या जबाबामध्ये एकवाक्यता आल्याने न्यायालयाने वरील तीघांना दोषी धरून शिक्षा सुनावली आहे.
सरकारी पक्षाच्यावतीने अॅड.धनंजय बनसोडे यांनी काम पाहिले. दरम्यान,या न्यायालयाने 25 दिवसात मरवडे गावातील 3 व भोसे गावातील 1 अशा एकूण 4 घटनेत शिक्षा सुनावल्याने गुन्हे करणार्यांमध्ये खळबळ उडाली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
