मंगळवेढ्यातील जुगार अड्डयावर पोलिसांचा छापा; आठ जणांवर गुन्हा दाखल

टीम मंगळवेढा टाईम्स ।

मंगळवेढा तालुक्यातील लक्ष्मी दहिवडी येथे मन्ना नावाचा जुगार खेळणार्‍या जुगार अड्डयाव पोलिसांनी छापा टाकून तीन मोटर सायकली व रोख रक्कम असा एकूण 1 लाख 18 हजार 550 रुपयांचा मुद्देमाल जप्त केला आहे.

दरम्यान या जुगार प्रकरणी जितेंद्र संतोष कोष्टी (वय 32),राहुल लक्ष्मण गायकवाड(वय 28),मुरलीधर रामचंद्र पाटील(वय 67),हरी पंडा शिंगाडे(वय 67),लक्ष्मण मारुती पाटील(वय 72),प्रभाकर सदाशिव कांबळे(वय 68),

उत्तम गणपत आदलिंगे (वय 62),भारत दादा सोनवले(वय 52) रा.महमदाबाद या आठ जणांविरूध्द महाराष्ट्र जुगार कायदयान्वये गुन्हा दाखल करण्यात आला आहे.

पोलिस सुत्रांनी दिलेली माहिती अशी, लक्ष्मी दहिवडी येथील स्मशानभूमीलगत असणार्‍या ओढयाजवळील चिलाराच्या झुडपात जुगार चालत असल्याची गोपनीय माहिती पोलिस निरिक्षक रणजित माने यांना मिळताच,

त्यांनी पोलिसांचे पथक पाठवून सदर ठिकाणी खात्री केली असता वरील आठ आरोपी दि.13 रोजी दुपारी 4.00 वा. मन्ना नावाचा जुगार खेळत असताना पोलिसांना मिळून आले.

यामध्ये एकूण 3 मोटर सायकली, 8550 रुपये रोख रक्कम असा एकूण 1 लाख 18 हजार 550 रुपये किमतीचा मुद्देमाल पोलिसांना मिळून आला.

याची फिर्याद पोलिस हवालदार प्रमोद मोरे यांनी दिली असून अधिक तपास पोलिस नाईक पठाण हे करीत आहेत.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज