टीम मंगळवेढा टाईम्स । सोलापूर जिल्ह्यातील वांगरवाडी (ता. बार्शी) येथील 9 महिन्याच्या बाळाचा खून केलेल्या प्रकरणाने पुन्हा नवे वळण घेतले असून आपल्या प्रियकराच्या सांगण्यावरूनच मी बाळाला फास आवळून मारल्याची कबुली आईने दिली आहे. दरम्यान, आता तिच्या प्रियकरासही अटक करण्यात आली असून त्याला 2 सप्टेंबरपर्यंत पोलिस कोठडी सुनावण्यात आली आहे.
याप्रकरणी प्रियकर शशिकांत विलास ठोंगे (वय 36, रा. वांगरवाडी) यास अटक करण्यात आली असून त्यास 2 सप्टेंबरपर्यंत पोलिस कोठडी सुनावण्यात आली आहे.
अनैतिक संबंधास अडसर ठरत असल्यामुळे व बाळ जास्त किरकिर करत असल्यामुळेच प्रियकर शशिकांत ठोंगे याच्या सांगण्यावरून आपण आपल्या मुलाचा गळा आवळून खून केल्याची कबुली आई अश्विनी तुपे हिने पोलिसांना दिली.
याबाबत अधिक माहिती अशी की, बार्शी तालुक्यातील वांगरवाडी येथे भरदिवसा घरामध्ये घुसून चोरट्याने पाळण्यात झोपलेल्या नऊ महिन्याच्या चिमुरड्याचा मोबाईल चार्जरच्या वायरने गळा आवळून खून केला तसेच अश्विनीच्या गळ्यातील मंगळसूत्र चोरून नेले, अशी फिर्याद मृत सार्थकचे चुलते आनंद राजेंद्र तुपे यांनी दिली होती.
त्यानंतर तपासात आई अश्विनीवर संशय आल्याने तिला ताब्यात घेऊन चौकशी केली असता तिने मुलाला मारल्याची कबुली दिली होती. आता त्यानंतर पुन्हा या प्रकरणाने नवे वळण घेतले असून अश्विनीने आपल्या शेजारीच राहणार्या प्रियकराच्या सांगण्यावरून हा खून केल्याची कबुली दिली आहे.
स्थानिक गुन्हे शाखा आणि सायबर सेलची मदत घेऊन या खुनाचा तपास करण्यात आला. सहाय्यक पोलिस निरीक्षक शिवाजी जायपत्रे, प्रवीण जाधव, हवालदार महेश डोंगरे, राजेंद्र मंगरुळे, सचिन माने, तानाजी धिमदिमे, स्थानिक गुन्हे शाखेच्या पोलिस कर्मचार्यांनी ही कामगिरी केली.
Solapur wangarwadi barshi The mother strangled the 9-month-old baby at the behest of her boyfriend
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
