टीम मंगळवेढा टाईम्स।
मंगळवेढा तालुक्यातील शिवणगी या गावात महालिंगराया बिरोबा नुतन मूर्ती प्राण प्रतिष्ठापना व भेट कार्यक्रम आज गुरुवार दि.25 नोव्हेंबर रोजी सकाळी 11 वाजता होणार असल्याची माहिती संत दामाजी कारखान्याचे उपाध्यक्ष अंबादास कुलकर्णी यांनी दिली आहे.
शिवणगी गावातील हनुमान मंदिरात हा कार्यक्रम आयोजित करण्यात आला असून याप्रसंगी आमदार समाधान आवताडे, विधानपरिषद आ.प्रशांत परिचारक,आ.गोपीचंद पडळकर, माजी मंत्री लक्ष्मणराव ढोबळे, जिल्हा परिषद उपाध्यक्ष दिलीप चव्हाण, पंचायत समिती सभापती सौ.प्रेरणाताई मासाळ हे उपस्थित राहणार आहेत.
यावेळी माजी सभापती प्रदीप खांडेकर, जिल्हा परिषद सदस्य सौ.शीलाताई शिवशरण, विठ्ठल सहकारी साखर कारखान्याचे चेअरमन भगीरथ भालके, संत दामाजी सहकारी साखर कारखान्याचे संचालक बबनराव आवताडे, सिताराम महाराज सहकारी साखर कारखान्याचे चेअरमन प्रा.शिवाजीराव काळुंगे, शिवणगीचे सरपंच सौ.पुष्पाताई बन्ने उपस्थित असणार आहेत.
भेटीसाठी शिवणगी – श्री.महालिंगराया पालखी, हुन्नूर – श्री.बिरोबा पालखी, उटगी – श्री.ब्रह्मदेव पालखी, सोन्याळ – श्री.विठुराया पालखी या पालख्यांचा भेट सोहळा होणार आहे.
त्याचबरोबर सर्व सवासिनी स्त्रियांकडून कुंभमेळा, दोन प्रसिध्द सनई वाजंत्री वादक जमखंडी तसेच रात्री 9 वाजता श्री.महालिंगराया गायन संघ सोन्याळ गायक हनुमंत पाटील व श्री अमोघसिद्ध गायन संघ लमाणहट्टी गायक तुकाराम यांचे गायण होणार आहे.
जोग महाराज पंढरपूर यांचे वारकरी शिक्षण संस्थेतील संपूर्ण विद्यार्थी कडून संपूर्ण कला अनेक विविध कार्यक्रम आलेल्या सर्व भाविकांना महाप्रसादाचे वाटप देवासमोर हत्ती मिरवणूक लेझीम झांज पथक त्याचबरोबर रात्री आठ वाजता शोभेच्या फटाक्यांची रोषणाई करण्यात येणार आहे.
या या कार्यक्रमास सर्व भाविक भक्ताने उपस्थित राहावे असे आव्हान शिवणगी ग्रामस्थ व पंच कमिटी यांच्याकडून करण्यात आले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
