टीम मंगळवेढा टाईम्स ।
मंगळवेढा शहरातील दामाजी चौकात असलेले मुख्य पोस्ट कार्यालयाच्या ऑफिसच्या खिडकीचे गज कटावणीने वाकवून चोरटयाने आत प्रवेश करून चोरी करण्याचा प्रयत्न केल्याप्रकरणी अज्ञात चोरटयाविरूध्द गुन्हा दाखल करण्यात आला आहे.
दरम्यान,चोरटयाला लॉकर न उघडल्यामुळे लॉकरमधील जवळपास एक लाख रुपये वाचले असल्याचे सांगण्यात आले.
पोलिस सुत्रांनी दिलेली माहिती अशी,मंगळवेढा शहरातील भर चौकात शासकिय सब पोस्ट कार्यालय गेल्या अनेक वर्षापासून कार्यरत आहे.दि.16 रोजी सकाळी 7.00 वा. ऑफिसचा शिपाई काशिद याने कार्यालय स्वच्छता करण्यासाठी दरवाजा उघडला असता दक्षिण बाजूकडील खिडकीचे गज कापल्याचे व कार्यालयातील कपाट उघडल्याचे व सर्व कागदपत्रे अस्ताव्यस्त पडल्याचे दिसून आले.
खिडकीचे गज कटावणीसारख्या हत्याराने काढण्यात आले होते. ट्रेझरी खोलीस लावलेले कुलूप कोयंडा उचकटून काढले होते.
लॉकरमध्ये जवळपास एक लाख रुपये रक्कम होती. लॉकर न उघडल्याने चोरटयाचा तो प्रयत्न अयशस्वी झाल्याने त्यामधील रक्कम सुरक्षित राहिली. याची फिर्याद उदय वाघमारे यांनी दिल्यावर अज्ञात चोरटयाविरूध्द गुन्हा दाखल झाला आहे.
दरम्यान, हे पोस्ट कार्यालय शहराच्या मुख्य व वर्दळीच्या ठिकाणी असतानाही चोरटयाने कार्यालय कसे काय फोडले याबाबत चोरीच्या घटनेनंतर नागरिकांमधून उलट सुलट चर्चा सुरु होती.
रतनचंद शहा बँकेने दामाजी चौकात व अन्य ठिकाणी सी.सी.टी.व्ही. कॅमेरे बसविले होते.कालांतराने हे कॅमेरे दुरुस्तीअभावी बंद पडले.
देखभालीचा खर्च कोणी करायचा या मुद्दयावरून पोलिस प्रशासनाने याकडे दुर्लक्ष केल्याने हजारो रुपये खर्चून बँकेने बसवून दिलेले कॅमेरे धूळ खात पडले आहेत.
हा मुख्य चौक असल्याने येथील कॅमेरे कार्यरत होणे महत्वाचे असून हे कॅमेरे चालू झाल्यास चोरीला व इतर घटनांना अटकाव होणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
