टीम मंगळवेढा टाईम्स ।
मंगळवेढा तालुक्यासह परिसरातील कोरोना रूग्णांची ने-आण करणाऱ्या रूग्णवाहिकेला आता मोफत डिझेल मिळणार आहे. या उपक्रमासाठी रिलायन्स इंडसट्रिज लिमिटेड व मंगळवेढा येथील रिलायन्स पेट्रोल पंपचे संचालक डॉ.प्रीती शिर्के व डॉ. शरद शिर्के यांनी पुढाकार घेतला आहे.
कोरोना प्रादुर्भावाच्या दुसऱ्या लाटेतील वाढती रुग्ण संख्या विचारात घेता या रुग्णांची उपचारासाठी नेताना गैरसोय होऊ नये , म्हणून रिलायन्स बी.पी.मोबिलिटी उपक्रमांतर्गत ५० लिटर डिझेल देण्याचा उपक्रम सुरू करण्यात आल्याची माहिती अधिकृत विक्रेते डॉ.प्रीती शिर्के यांनी दिली.
कोरोना रुग्णांना वैद्यकीय उपचार घेण्यासाठी दवाखान्यात दाखल करताना १०८ रुग्णवाहिकेला पसंती आहे. या रुग्णवाहिकेला वारंवार रुग्णांची ने-आण करताना डिझेलची गैरसोय होऊ नये , म्हणून रिलायन्स बी पी मोबिलिटी लिमिटेड या कंपनी तर्फे ५० लिटर डिझेल देण्याची योजना कार्यान्वित केली.
मंगळवेढा तालुक्यातील मरवडे, आंधळगाव, भोसे, बोराळे, सलगर बुद्रुक येथील प्राथमिक आरोग्य केंद्र तसेच मंगळवेढा ग्रामीण रुग्णालयातील आरोग्य अधिकारी यांनी दिलेल्या अधिकृत पत्राद्वारे नोंदनिकृत क्रमांकाच्या वाहनांसाठी या पेट्रोल पंपावर या सुविधेचा लाभ घेता येणार आहे.
या उपक्रमाचे भरभरून कौतुक आ.समाधान आवताडे यांनी केले असून या उपक्रमामुळे समाजातील शेवटच्या घटकापर्यंत याचा लाभ होईल व गरजू रुग्णांना कमी खर्चात इतर ठिकाणी जाऊन उपचार घेता येईल असे म्हणाले.
तसेच सुरु केलेल्या ह्या उपक्रमाचा जास्तीत जास्त गरजू रुग्णांना लाभ कसा मिळवून देता येईल यासाठी कटिबद्ध राहू असे डॉ.शरद शिर्के यांनी बोलताना सांगितले व रिलायन्स कंपनीचे (सी. ई. ओ.) मुकेश अंबानी यांचे आभार मानले.
अट फक्त ही
देशातील कोरोनाची दुसरी लाट ओसरत असल्याचं आकडेवारीवरून दिसत आहे. मे महिन्याच्या पहिल्या आठवड्यात देशात दर दिवशी चार लाखांहून अधिक नव्या कोरोना रुग्णांची नोंद झाली.
कोरोना संकटाचा सामना करण्यासाठी रिलायन्स समूहानं आतापर्यंत अनेक महत्त्वाचे निर्णय घेतले आहेत. आता रिलायन्स समूह त्यांच्या मालकीच्या सर्व पेट्रोल पंपांवर रुग्णवाहिकांना ५० लीटर डिझेल मोफत देणार आहे.
रिलायन्सच्या पेट्रोल पंपांवर रुग्णवाहिकांना दररोज ५० लीटर डिझेल मोफत मिळेल. मात्र यासाठी एक अट आहे. मोफत डिझेल घेणारी रुग्णवाहिका सरकारी असायला हवी.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
