म्युच्युअल फंड हा गुंतवणूक करण्याचा एक चांगला आणि प्रसिद्ध पर्याय, जाणून घ्या सविस्तर

टीम मंगळवेढा टाईम्स ।

म्युच्युअल फंड हा गुंतवणूक करण्याचा एक चांगला आणि प्रसिद्ध पर्याय आहे. मात्र, म्युच्युअल फंड म्हणजे नेमकं काय? म्युच्युअल फंड नेमकं कसे काम करते? म्युच्युअल फंडमधील गुंतवणूक सुरक्षित आहे का? असे

अनेक प्रश्न नागरिकांच्या मनात येत असतात. आज आम्ही तुम्हाला म्युच्युअल फंड गुंतवणुकीबाबत सविस्तर माहिती सांगणार आहोत. जाणून घ्या…

म्युच्युअल फंडमध्ये गुंतवणूक कशी करावी

म्युच्युअल फंड हा सामूहिक गुंतवणुकीचा एक पर्याय म्हणून पाहिला जातो. जेव्हा बरेच लोक थोडे-थोडे पैसे जमा करुन एखाद्या मॅनेजमेंट कंपनीला आपल्याऐऐवजी शेअर्समध्ये गुंतवणूक करण्यासाठी परवानगी देतात त्याला म्युच्युअल फंड गुंतवणूक म्हणतात.

म्युच्युअल फंड कंपन्या किरकोळ गुंतवणुकदारांकडून पैसे गोळा करतात. त्यानंतर हे पैसे शेअर्समध्ये गुंतवतात. त्या बदल्यात म्युच्युअल फंड कंपन्यादेखील गुंतवणुकदारांकडून फीज घेतात.

म्युच्युअल फंड नेमकं कसे काम करते?

महिंद्रा म्युच्युअल फंडचे मुख्य कार्यकारी अधिकारी आशुतोष बिश्नोई यांनी इकोनॉमिक टाइम्सला सांगितले की, “तुम्हाला जर शेअर्समध्ये गुंतवणूक करायची असेल मात्र, त्यासाठी तुमच्याकडे शेअर्स संदर्भात योग्य माहिती नसेल तर तुम्ही म्युच्युअल फंडच्या माध्यमातून गुंतवणूक करु शकतात. म्युच्युअल फंड कंपन्यांमध्ये गुंतवणूक करण्यासाठी अनुभवी फंड मॅनेजर्स आहेत जे तुमच्याकडून ठराविक शुल्काद्वारे फंडचे व्यवस्थापन करतात.”

गुंतवणुकीचा चांगला पर्याय

आशुतोष बिश्नोई पुढे म्हणाले, “म्युच्युअल फंड गुंतवणुकदारांना कमी जोखीम घेऊन चांगला परतावा देण्यासाठी गुंतवणुकीचा योग्य माध्यम उपलब्ध करुन देतात.

त्यांनी पुढे म्हटलं की, आगामी काळात अर्थव्यवस्था आणि बाजारासाठी सकारात्मक दृष्टीकोन आहे. जगातील विविध देशांतील सरकारने आपल्या अर्थव्यवस्थेला चालना देण्यासाठी योग्य ती पावले उचलली आहेत ते पाहता जागतिक अर्थव्यवस्था उंचावण्याची शक्यता आहे.

दरमहा गुंतवणूक करा

जर आपण एकत्र गुंतवणूक करु शकत नसाल तर दरमहा पगारातील थोडी रक्कम बचत म्हणून गुंतवणूक करु इच्छित असाल तर ते सुद्धा शक्य आहे. सिस्टमेटिक इन्व्हेस्टमेंट प्लान याचाच एक पर्याय आहे. एसआयपीच्या माध्यमातून गुंतवणूक केल्यास तुम्हाला जोखीम पासून दिलासा मिळतो. जेव्हा शेअर बाजारात मंदी असेल तेव्हा एसआयपीमध्ये गुंतवणूक करणे सुरू ठेवले पाहिजे. कारण अशा परिस्थितीत तुम्हाला स्वस्तात गुंतवणूक करण्याचा मार्ग उपलब्ध होतो.

खालच्या स्तरावर गुंतवणुकीचा फायदा

जेव्हा आपण खालच्या स्तरावर पैसे गुंतवाल तेव्हा शेअर बाजारात योग्य फायदा होतो. म्युच्युअल फंड हेच काम करता. ते एका विशिष्ट पद्धतीने आपल्या फंडचे व्यवस्थापन करतात आणि तुम्हाला त्याचा फायदा होतो. जर तुम्हाला गुंतवणुकदार व्हायचं आहे आणि थेट इक्विटीमध्ये गुंतवणूक करायची नसेल तेव्हा तुम्ही म्युच्युअल फंडाचा मार्ग अवलंबू शकतात.

गुंतवणुकीचे अनेक पर्याय

शेअर बाजारात थेट गुंतवणूक करणे धोकादायक ठरू शकते. त्यामुळे तुम्ही एखाद्या चांगल्या सल्लागाराचा सल्ला येऊन निर्णय घ्या. आर्थिक अनिश्चितता आणि शेअर बाजारातील अस्थिरता असतानाही गुंतवणुकदारांनी इक्विटी म्युच्युअल फंडवर विश्वास ठेवला आहे. स्मॉल कॅप, मिड कॅप किंवा मल्टी कॅप म्युच्युअल फंडात तुम्ही गुंतवणूक करु शकतात.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज