समाधान फुगारे । 7588214814
दीपोत्सवाचा उत्साह आता टीपेला पोचला असून आज सोमवारीदिवाळी पाडवा व भाऊबीजेचा सण साजरा होणार आहे. यानिमित्ताने मंगळवेढा शहरात विविध ऑफर्सचा खजीना उपलब्ध असल्याने बाजारपेठेत खरेदीचा उत्सवच साजरा होणार आहे.
दरम्यान, कोरोनाच्या पार्श्‍वभूमीवर अधिक गर्दी होणार नाही, याची खबरदारी घेत सर्व प्रतिबंधात्मक नियमांची काटेकोर अंमलबजावणी होणार आहे.
शहरातील शिवप्रेमी चौकात असलेले शिवांशू ज्वेलर्स मध्ये 10 हजारांच्या खरेदीवर चांदीची लक्ष्मी मूर्ती फ्रेम देणार आहेत.
चेळेकर गल्ली येथील अमर इलेक्ट्रॉनिक अँड मोबाईल शॉपीमध्ये ग्राहकांना 1 रुपया भरून वस्तू खरेदी करता येणार आहे.
सिध्दनाथ ज्वेलर्समध्ये जितके सोने खरेदी कराल दुप्पट चांदी भेट या योजनेचा लाभ ग्राहकांना पाडव्या निमित्ताने घेता येणार आहे.
पोलीस स्टेशन समोर असलेले शिवशंभो कलेक्शन मध्ये कपड्यांच्या खरेदीवर चांदीचे नाणे मोफत मिळणार आहे.
स्मार्टफोन, इलेक्‍ट्रॉनिक्‍स वस्तू, सोने-चांदी दागिन्यांपासून ते ऑटोमोबाईल क्षेत्राबरोबरच रिअल इस्टेट क्षेत्रातही विविध ऑफर्स असून ई-बाईक्‍ससाठी तब्बल दहा हजार रूपयांपर्यंतचा डिस्काऊंट दिला जाणार आहे.
सोन्याचे दर दिवसेंदिवस वाढत आहेत, तरीही फायदेशीर व सुरक्षित गुंतवणूक म्हणून आजही सोन्यालाच पहिली पसंती मिळते.
त्यामुळे यंदाही सोन्याची नाणी, वळे व शिक्के खरेदी करून गुंतवणूक केली जाणार आहे. मुहूर्तावर गुंजभर का होईना, सोने खरेदीची परंपराही जपली जाणार आहे.
यंदा कोरोनाच्या पार्श्‍वभूमीवर जाहीर झालेल्या लॉकडाऊन काळात सर्वच व्यवहार ठप्प राहिले. मात्र, दसरा-दिवाळीच्या पार्श्‍वभूमीवर बाजारपेठेत खरेदीला उधाण आले आणि एकूणच अर्थचक्राला चालना मिळाली. त्यातही ग्राहकांना आकर्षित करण्यासाठी सवलतींच्या विविध योजना, सुलभ कर्ज योजनांसारख्या अनेक ऑफर्स बाजारपेठेत उपलब्ध असल्याने खरेदी आणखी वाढणार आहे.
विविध फायनान्स कंपन्यांकडून शून्य टक्के व्याजदराच्या ऑफर्सही आहेत. तरुणाईचा ओढा स्मार्टफोन खरेदीकडे असल्याने मोठ्या प्रमाणावर स्मार्टफोनची खरेदी होईल, असा अंदाज आहे. डायनिंग टेबल, सोफासेट, शोकेस, बेड, वॉर्डरोब आदी फर्निचर खरेदीच्या पार्श्‍वभूमीवर त्यातील अनेक प्रकारची व्हरायटी उपलब्ध आहे.
घरपोच डिलीव्हरीही…
जितके सोने तितकी चांदी भेट, शून्य टक्के व्याज दरात वित्तीय सहाय्य, इलेक्ट्रॉनिक वस्तू खरेदीवर विविध भेटवस्तू अशा अनेक ऑफर्स बाजारात उपलब्ध आहेत. त्याशिवाय घरातूनच बुकींग व घरपोच डिलीव्हरी अशी सुविधाही काही शोरूम्सनी उपलब्ध केली आहे. एकूणच पाडव्याच्या मुहूर्तावर खरेदीला उधाण येणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
