मंगळवेढा तालुक्यातील एका गावात २६ वर्षीय विवाहित महिलेस रात्रीच्या वेळी घरातून ओढत शेतात नेवून तीच्या मनाला लज्जा उत्पन्न होईल असा प्रकार केल्याने आरोपी विक्रम शिवाजी मस्के (रा.डोंगरगाव) याच्याविरूध्द विनयभंगाचा गुन्हा दाखल झाला आहे.
पोलिस सुत्रांनी दिलेली माहिती अशी , यातील पिडीत विवाहित महिला दि.१९ रोजी १०.१५ वा . जेवण करून झोपली होती. यावेळी तीचे पती घराला बाहेरून कडी लावून जनावरांना चारा टाकण्यासाठी गेले होते.
आरोपीने यावेळी फिर्यादीच्या घरात येवून हातास धरून फिर्यादीचे तोंड दाबून घराच्या समोर असलेल्या शेतातील ज्वारीच्या पिकामध्ये अंधारात ओढत नेवून तीच्याशी झोंबाझोंबी करून मनाला लज्जा वाटेल असे कृत्य केल्याचे दिलेल्या फिर्यादीत म्हटले आहे.
विनयभंग करून फिर्यादीस शिवीगाळ करीत जीवे मारण्याची धमकी दिली आहे. याचा अधिक तपास पोलिस उपनिरिक्षक दत्तात्रय पुजारी हे करीत आहेत.
पाहिजेत
पत्रकार क्षेत्रात करिअर करायचंय,पत्रकार क्षेत्रात आवड असणाऱ्या तरुण व कॉलेज विद्यार्थ्यांनी संपर्क साधावा : 7588214814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
