टीम मंगळवेढा टाईम्स ।
मंगळवेढयाच्या ग्रामीण भागातून 20 वर्षीय तरूणी बेपत्ता झाली असून या प्रकरणी तीच्या आईने पोलिसात तक्रार दाखल केल्याने पोलिस त्या तरूणीचा कसून शोध घेत आहेत.
पोलिस सुत्रांनी दिलेली माहिती अशी, यातील तक्रारदार आई दि.5 रोजी जत येथे साखर पुडयाचा कार्यक्रम असल्याने तिकडे गेल्या होत्या.
20 वर्षीय तरूणी घरात एकटीच होती. दि.6 रोजी सकाळी 10.30 वा. तक्रारदाराच्या जावेने फोन करून सांगितले की, तुझी मुलगी घरी दिसत नाही.
ती कुठे गेली आहे माहित नाही असे सांगितल्यावर सदर मुलीची आई तात्काळ आपल्या मुळ गावी येवून मुलीचा नातेवाईक व परिसरात शोध घेतला मात्र ती मिळून आली नाही.
तीचे वर्णन -रंग सावळा,उंची 5 फुट,अंगाने मध्यम,अंगात आकाशी कलरचा टॉप त्यावर पिवळी पांढरी फुले असलेली पँट,भाषा कन्नड,मराठी बोलते.
अशा वर्णनाची मुलगी कोणाच्या निदर्शनास आल्यास त्यांनी मंगळवेढा पोलिसांशी संपर्क साधावा असे आवाहन करण्यात आले आहे.
१४ वर्षीय मुलीस फूस लावून पळवून नेल्याप्रकरणी अज्ञाताविरूध्द गुन्हा दाखल
मंगळवेढयाच्या ग्रामीण भागातून एका 14 वर्षीय मुलीस फूस लावून पळवून नेल्याप्रकरणी 31 वर्षीय आईच्या फिर्यादीवरून अज्ञात व्यक्तीविरूध्द गुन्हा दाखल झाला आहे.
पोलिस सुत्रांनी दिलेली माहिती अशी,दि.4 रोजी सायंकाळी 5.30 वा.14 वर्षीय मुलीस आईने तथा फिर्यादीने काम सांगितले होते.मात्र तीने काम न करता सायंकाळी 6.00 वा. घरातून बाहेर निघून गेली.
बराच वेळ ती घरी परत आली नाही.त्यानंतर कुटुंबातील सर्व सदस्यांनी गावात व आजूबाजूला तसेच मंगळवेढा शहर व नातेवाईक यांचेकडे दोन दिवस शोध घेवूनही ती मिळून आली नाही.
अज्ञात व्यक्तीने अज्ञात कारणावरून आई वडीलांच्या कायदेशीर रखवालीतून फूस लावून पळवून नेल्याचे दिलेल्या फिर्यादीत म्हटले आहे.
तीचे वर्णन पुढील प्रमाणे – रंग गोरा,उंची 5 फुट,अंगाने सडपातळ,चेहरा गोल,अंगात नेसणेस राखाडी रंगाचा टॉप,पांढर्या रंगाची लेगीन्स व गुलाबी रंगाचा स्टोल,नाक सरळ,
पायात सँडल अशा वर्णनाची मुलगी कोणाच्या निदर्शनास आल्यास त्यांनी मंगळवेढा पोलिसांशी संपर्क साधावा असे आवाहन पोलिस प्रशासनाकडून करण्यात आले आहे.दरम्यान याचा अधिक तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
