मंगळवेढा टाईम्स न्युज।
मंगळवेढा शहरात येत्या दि. १ एप्रिल २०२६ रोजी साप्ताहिक रणयुग टाईम्सचा १४ वा वर्धापन दिन सोहळा मोठ्या उत्साहात साजरा करण्यात येणार आहे. पत्रकारिता, सामाजिक, वैद्यकीय, शैक्षणिक, सहकार, कृषी तसेच विविध क्षेत्रात उल्लेखनीय कार्य करणाऱ्या मान्यवरांचा या सोहळ्यात सन्मान करण्यात येणार असल्याची माहिती संयोजक संपादक प्रमोद दिलीप बिनवडे यांनी दिली.
हा भव्य वर्धापन दिन सोहळा दि. ०१ एप्रिल २०२६ रोजी सायंकाळी ५ वाजता मंगळवेढा येथील मैत्री लॉन्स, खोमनाळ रोड येथे आयोजित करण्यात आला आहे. या कार्यक्रमाचे उद्घाटन पंढरपूर–मंगळवेढा विधानसभा मतदारसंघाचे आमदार समाधान (दादा) आवताडे यांच्या हस्ते होणार असून
कार्यक्रमाच्या अध्यक्षस्थानी डिजिटल मिडिया संपादक पत्रकार संघटनेचे संस्थापक केंद्रीय अध्यक्ष राजा माने हे विराजमान राहणार आहेत.
तसेच विविध नामांकित वृत्तपत्रांचे संपादक मान्यवर या कार्यक्रमास प्रमुख अतिथी म्हणून उपस्थित राहणार आहेत.यामध्ये दै. दामाजी एक्सप्रेसचे संपादक दिगंबर भगरे,दै.सांगोला नगरीचे संपादक सतीश सावंत, दै.राष्ट्रसंचार (पुणे)चे संपादक अनिरुद्ध बडवे आणि पंतनगरी वृत्त समूहचे संपादक रजाक मुजावर यांचा समावेश आहे.
पुरस्कार प्राप्त मान्यवर:-
अंकुश म्हेत्रे -जीवनगौरव,सुनंदा (आबी) आवताडे- कर्तुत्ववान नारीरत्न,अमोलराजे भोसले- सेवारत्न, नंदकुमार बेडसे-शिक्षण सेवारत्न,श्रीकृष्ण गुरूकुल शिक्षणसंस्था-विद्याभूषण संस्थारत्न,डॉ.बाळासाहेब सरवळे- कृषीरत्न,भारत सोनवणे-लोकसेवारत्न, पुतळाबाई उगाडे-आदर्श मातारत्न,सुवर्णा साळुंखे-डोके-शिक्षकरत्न,प्रविण खवतोडे- युवा संघटनरत्न,
चंद्रकांत पडवळे-कार्यरत्न,योगेश खटकाळे- युवा राजरत्न,डॉ.नितीन चौंडे-आरोग्यरत्न, योगेश तुरेराव-दर्पणरत्न,संतोष मोगले-विमा सेवारत्न, धनश्री डोके- युवा उद्योजिकारत्न,विद्यागौरी अवघडे- युवती राजरत्न,लखन माने- युवा कृषीरत्न,
श्रीनिवास तिर्थे-सहकार दीपरत्न,संतोष पवार-युवा उद्योगरत्न, नुतन मराठी विद्यालय-आदर्श शाळारत्न आणि त्रिशालादी पतसंस्था – संस्थारत्न इ. पुरस्कार जाहीर करण्यात आला आहेत.
पत्रकारितेच्या माध्यमातून समाजातील विविध प्रश्नांना वाचा फोडत गेल्या १४ वर्षांपासून साप्ताहिक रणयुग टाईम्स सातत्याने कार्यरत आहे. या वर्धापन दिन सोहळ्यास पत्रकार, सामाजिक कार्यकर्ते, विविध क्षेत्रातील मान्यवर तसेच नागरिकांनी मोठ्या संख्येने उपस्थित राहावे, असे आवाहन संयोजक संपादक प्रमोद दिलीप बिनवडे यांनी केले आहे.
हे सर्व पुरस्कार साप्ताहिक रणयुग टाईम्सच्या १४ व्या वर्धापन दिन सोहळ्यात दि. १ एप्रिल रोजी सायं. ५ वाजता मंगळवेढा येथे मान्यवरांच्या उपस्थितीत प्रदान करण्यात येणार आहेत. समाजाच्या विविध क्षेत्रात उत्कृष्ट कार्य करणाऱ्या व्यक्तींचा सन्मान करून त्यांना प्रोत्साहन देणे हा या सोहळ्याचा मुख्य उद्देश असल्याचे संपादक प्रमोद बिनवडे यांनी सांगितले.
सत्काराला मान्यवरांनी पुष्पगुच्छ, शाल, श्रीफळ यांसारख्या वस्तू न आणता त्याऐवजी शालेय साहित्य आणावे
या वर्धापन दिन सोहळ्याचे आणखी एक विशेष वैशिष्ट्य म्हणजे पारंपरिक सत्कार पद्धतीऐवजी सामाजिक बांधिलकी जपत एक अभिनव उपक्रम राबविण्यात येणार आहे.
कार्यक्रमास उपस्थित राहणाऱ्या मान्यवरांनी हार, तुरे, पुष्पगुच्छ, शाल, श्रीफळ यांसारख्या वस्तू न आणता त्याऐवजी शालेय साहित्य उदाहरणार्थ -वही, पेन, पेन्सिल, कंपास, शालेय बॅग आदी वस्तू भेट स्वरूपात स्विकारल्या जातील असे आवाहन आयोजकांनी केले आहे.
कार्यक्रमात संकलित होणारे हे शैक्षणिक साहित्य आर्थिकदृष्ट्या दुर्बल व गरजू विद्यार्थ्यांना वितरित करण्यात येणार आहे. समाज हिताचा संदेश देणारा हा उपक्रम ठरणार असल्याचे आयोजकांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
