टीम मंगळवेढा टाईम्स ।
मंगळवेढा तालुक्यातील एका गावात अंगणातील गुप्तधन काढून देतो, घरात भांडण होऊ देत नाही, घराची बाधा करून करणी बाधा घालवतो. घरात भांडणे होवू देत नाही, लग्न जमत नाही, ती बाधा काढून देतो असे म्हणून होम हवन करत पाठीवर जबर मारहाण करुन
फिर्यादीचे मयत पतीच्या डाव्या पायाचे हाड मोडून घरात धुप अंगारे जाळून, पांढरी पावडर पाजून फिर्यादी व इतर चार जणांची १३ लाख ४४ हजार ९०० रुपये एवढी रोख व ‘ फोन पे’च्या माध्यामातून रक्कम स्वीकारून
फसवणूक केल्याप्रकरणी संशयित आरोपी महाराज भगवान ऊर्फ सुदर्शन जगनाथ स्वामी व त्याचा मुलगा विरभद्र ऊर्फ उदय भगवान ऊर्फ सुदर्शन स्वामी (दोघे रा.मालवंडी ता.बार्शी,जि.सोलापूर) यांच्यावर गुन्हा दाखल करण्यात आला आहे.
फिर्याद मायाक्का रेवणसिध्द मोटे (वय.२८ रा.नंदेश्वर,ता.मंगळवेढा) यांनी फिर्याद दिली असून ही फसवणुकीची घटना सन जुलै २०२० ते ५ ऑक्टोबर २०२२ या कालावधीत घडली आहे.
याबाबत पोलीस सत्रांनी दिलेली माहिती अशी की, मालवंडी (ता.बार्शी) येथील महाराज भगवान ऊर्फ सुदर्शन जगन्नाथ स्वामी व त्यांचा मुलगा वीरभद्र ऊर्फ उदय भगवान ऊर्फ सुदर्शन स्वामी यांची
मंगळवेढा तालुक्यातील नंदेश्वरच्या फिर्यादी मायाक्का रेवणसिद्ध मोटे यांच्या पतीसोबत तालुक्यातीलच सुशीलकुमार भिकू गवळी यांनी ओळख करून दिली होती.
त्यानंतर संबंधित पिता-पुत्र महाराजांनी फिर्यादीच्या घरी येऊन घराची बाधा करून देतो शांती करतो व त्यानंतर जमिनीखालील गुप्तधन आहे,
ते तुम्हाला काढून देतो तुमच्या घरात परत भांडणे होणार नाहीत याची मी बाधा करून देतो त्याकरिता तुम्हाला लाख रुपये पर्यंत खर्च करावा लागेल, असे म्हणून त्यांनी फिर्यादीला पांढऱ्या रंगाचे भस्म पाण्यातून पिणे करता दिले.
२ लाख रुपये घेऊन संजय कुमार, मुकुंद शिंदे (रा.पंढरपूर) यांच्यासोबत त्यांना पोहोच केले. परंतु त्यांनी फिर्यादीच्या घरातील जमिनीखाली असणारे गुप्तधन काढण्याचा होम केला नाही,
४ लाख रुपये देऊनही महाराजांनी फिर्यादीच्या घरी होम हवन न करता पुन्हा ते अधिक पैशाची मागणी करू लागले. त्यावेळेस फिर्यादीच्या पतीने वारंवार महाराज व त्यांच्या मुलाच्या फोन पे नंबर वर ५ हजार, १० हजार, ३ हजार , ७ हजार , ११ हजार या स्वरूपात वेळोवेळी मागणी करेल . त्यावेळेस पैसे पाठवून दिले.
दि.६ नोव्हेंबर २०२१ रोजी सकाळी ७ वाजता महाराज वाहनातून आमचे आले व त्यांनी आम्हाला त्यांच्या जवळील एक पुढीतील पांढरी पावडर पिण्याकरता दिली व तुमच्या घरात बाधा आहे.
ती काढल्याशिवाय गुप्तधन काढता येणार नाही असे म्हणून त्यांनी फिर्यादीचे पती रेवणसिद्ध यांना पाठीवर काठीने जबर मारहाण केली होती. त्यानंतर त्यांनी घरात होम हवन केले.
परंतु फिर्यादी पावडरचे पाणी पिल्यामुळे त्यांना काही समजले नव्हते व ते पुन्हा येतो म्हणून निघून गेले . सन २०२० ते २०२२ या कालावधीमध्ये फिर्यादीच्या पतीने मोबाईल ‘फोन पे’ च्या माध्यमातून तीन लाख रुपये व रोख चार लाख रुपये असे एकूण ७ लाख रुपये महाराजांना दिले होते.
फिर्यादीला महाराजांनी पांढऱ्या रंगाची नशा येणारी पावडर पाजली होती व पतीस पूजेच्या नावाखाली जबर मारहाण केली. त्यामुळे त्यांच्या डाव्या पायाचे हाड मोडले होते. त्यामध्ये डॉक्टरांनी रोड घालून ऑपरेशन केले होते.
त्यानंतर फिर्यादीचे पती महाराज भगवान यांचे विचारात मंगळवेढा येथील राजयोग्य हॉटेल समोरील रोड ओलांडताना दि.६ ऑक्टोबर २०२२ रोजी दुपारी १ वाजता लक्झरी गाडीने पाठीमागून धडक दिल्याने जागीच मयत झाले, अशी फिर्याद नंदेश्वर येथील मायाक्का मोठे यांनी दिली.
असून संबंधित दोन्ही महाराज वरती महाराष्ट्र नरबळी आणि इतर अमानुष अनिष्ट व आघोरी प्रथा व जादूटोणा यांना प्रतिबंध करण्याबाबत व त्यांचे समोर उच्चाटन करण्याबाबत अधिनियम २०१३ च्या कलम ३ (२) नुसार तसेच भारतीय दंड संहिता १८६० च्या कलम ३२६ , ४२० , ३४ नुसार गुन्हा दाखल करण्यात आला असून सदर गुन्ह्याचा तपास मंगळवेढा पोलीस स्टेशनचे पोलीस निरीक्षक रणजीत माने करीत आहेत.
मंगळवेढा तालुक्यात अनेकांना फसवले
या फिर्यादीमध्ये मंगळवेढा शहरातील सुशीलकुमार भिकू गवळी यांच्या अंगणातून गुप्तधन काढून देण्यासाठी ४ लाख ५४ हजार ९०० रुपये, नंदेश्वर येथील मल्हारी करे यांचे लग्न जमत नाही त्याची बाधा काढण्यासाठी ६० हजार रुपये,
भोसे येथील चेतन चंद्रकांत वाघमोडे यांची करणी बाधा घालवण्यासाठी १ लाख रुपये, भोसे येथील तानाजी बिरा सरगर यांचे घरातील भांडण बाधा बंद करण्यासाठी ३० हजार रुपये व फिर्यादी मायाक्का मोटे यांचेकडील ७ लाख रुपये असे मिळून १३ लाख ४४ हजार ९०० रुपये सदर महाराजांनी घेतले असल्याचे फिर्यादीत म्हटले असून तालुक्यात आणखी काही फसलेले भक्त असल्याची चर्चा आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
