शेतकऱ्यांनो! येणार्‍या गाळप हंगामात कारखान्याने ‘इतके’ लाख मे.टन गाळपाचे उदिष्ट; भैरवनाथ शुगरच्या मिल रोलरचे पूजन

देवानंद पासले । मंगळवेढा टाईम्स

मंगळवेढा तालुक्यातील भैरवनाथ शुगर वर्क्स लि.,यू-3 लवंगी या साखर कारखान्यामध्ये सन २०२२-२३ च्या गळीत हंगामासाठी मिल रोलरचे पूजन

चेअरमन प्रा.शिवाजीराव सावंत व व्हा.चेअरमन अनिल सावंत यांच्या हस्ते करण्यात आले.

कार्यक्रमाच्या वेळी चेअरमन प्रा.शिवाजीराव सावंत म्हणाले की, कारखान्याचे संस्थापक आ.डॉ.तानाजीराव सावंत यांच्या मार्गदर्शनाखाली कारखाना प्रगतीपथाकडे वाटचाल करीत आहे.

येणार्‍या सन २०२२-२३ च्या गळीत हंगामाची जय्यत तयारी चालू आहे. कारखान्यातील मशीनरीचे ऑफ सीझन मधील ओव्हर ऑयलिंगची व मेंटनन्स इत्यादीचे सर्व कामे प्रगती पथावर चालू आहेत.

तसेच ऊस तोडणी व वाहतूक करारही पूर्ण झाले असून त्यांची मागील वर्षाचे कमिशन व देय बिलाचे वाटप झाले आहे. त्याच बरोबर त्यांना येणार्‍या गाळप हंगामासाठी पहिल्या हप्त्याची उचलही दिलेली आहे.

येणार्‍या गाळप हंगामात कारखान्याने ७ लाख मे.टन गाळपाचे उदिष्ट ठेवले असून त्यानुसार ऊस नोंदीचे काम ही जवळपास पूर्ण केले आहे.

ज्या ऊस उत्पादक शेतकर्‍यांच्या ऊसाची नोंद कारखान्याकडे देण्याची राहिली असेल त्यांनी शेती विभागाशी संपर्क साधून ऊस नोंदी द्याव्यात असे आवाहनही यावेळी करण्यात आले.

यावेळी प्रगतशिल बागायतदार तानाजी चव्हाण व सौ.कविता या उभयंताचे हस्ते धार्मिक विधी संपन्न झाला. यानंतर यांत्रिक कळ दाबून रोलर बसविण्याच्या कामास प्रारंभ करण्यात आला.

यावेळी कार्यक्रमास कारखान्याचे जनरल मॅनेजर रविंद्र साळुंखे, श्रीपती(आप्पा) माने, नानासाहेब शेलार, बंडू जाधव, राजेंद्र पाटील, जनरल मॅनेजर(प्रोसेस) अनिल पोरे, वर्क्स मॅनेजर नानासाहेब पोकळे,

एच आर मॅनेजर संजय राठोड, मुख्य शेतकी अधिकारी कृष्णदेव लोंढे, ईडीपी मॅनेजर नवनाथ चव्हाण, केनयार्ड सुपरवायझर शंकर पाटील, स्टोअर कीपर दत्तात्रय गाडे, इलेक्ट्रिक इंजिनीअर राजाराम कोरे,

सुरक्षा अधिकारी प्रकाश कमळे, कार्यालय अधीक्षक अभिजीत पवार, फायनान्स अकौंटंट देवानंद पासले, तसेच सर्व कर्मचारी उपस्थित होते.

कार्यक्रम यशस्वी करण्यासाठी अमित जाधव, दत्तात्रय भोसले, योगेश फराटे, नितिन करपे, किरण कोळी आदी यांनी परिश्रम घेतले. यावेळी मोठ्या प्रमाणात शेतकरी व ऊस तोडणी-वाहतूक ठेकेदार उपस्थित होते.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज