टीम मंगळवेढा टाईम्स ।
मंगळवेढा शहरातील महिला हॉस्पिटलमध्ये डॉक्टरांच्या हलगर्जीपणा मुळे एका 21 वर्षीय महिलेचा प्रसूती दरम्यान मृत्यू झाल्याची घटना दि.24 मार्च रोजी रात्री 1.50 च्या सुमारास घडली आहे.
आशंका संभाजी भुसे (माहेरकडील नाव) वय.21 रा.घरनिकी ता. मंगळवेढा असे मयत महिलेचे नाव आहे.
याबाबत पोलीस सूत्रांकडून मिळालेली अधिक माहिती अशी की, यातील मयत महीला तीसऱ्या खेपेची होती व तीचे गरोदर पणाचे 09 महिने 07 दिवस पुर्ण झालेले होते.
व तीला प्रसुती वेदना सुरू झाल्याने तीला तीची आई मालन संभाजी भुसे यांनी महीला हॉस्पीटल मंगळवेढा मध्ये दि.23 मार्च रोजी 5.30 वा. एडमीट झाली होती.
तसेच तीला उच्च रक्तदाबाचा त्रास होता तीची दि.24 मार्च रोजी मध्यरात्री 12.8 मी नॉर्मल प्रसुती झाली.
त्यावेळी तीचा रक्तदाब वाढल्याने तीला त्रास होवु लागला व तीचे अचानक ऑक्सीजन सॅच्युरेशन कमी होवु लागले
व नंतर रक्तदाब व हृदयाचे ठोके कमी होवुन शर्थ प्रयत्नांती तीचा दि.24 मार्च रोजी मध्यरात्री 1.50 वा च्या सुमारास मृत्यु झाला आहे.
या घटनेचा अधिक तपास सहाय्यक पोलीस निरीक्षक अमोल बामणे हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
