टीम मंगळवेढा टाईम्स ।
घर घेण्यासाठी माहेरहून 30 लाख रुपये का आणत नाही? असे म्हणून शिवीगाळी करुन एका 35 वर्षीय विवाहित महिलेचा शारिरीक, मानसिक छळ केल्याप्रकरणी तिचा पती सिध्देश्वर बाळासो जावळे (रा.नागणेवाडी) याच्या विरुध्द गुन्हा दाखल झाला आहे.
पोलीस सुत्रांनी दिलेली माहिती अशी, यातील फिर्यादी शुभांगी सिध्देश्वर जावळे हिचा 10 वर्षापुर्वी आरोपी तथा पती सिध्देश्वर जावळे यांच्या बरोबर विवाह झाला होता.
लग्नानंतर काही दिवसांनी आरोपीने फिर्यादीस घर घेण्यासाठी माहेरहून 30 लाख रुपये का आणत नाही? असे म्हणून शारिरीक,मानसिक त्रास देवून मारहाण करु लागला.
सदरच्या त्रासाकडे फिर्यादीने दुर्लक्ष करीत काही दिवस संसारासाठी निमुटपणे काढले. फिर्यादीच्या वडीलांनी अधून-मधून त्यांना पैसेही दिले होते.
सध्या पैसे नाहीत असे फिर्यादीने आरोपीस सांगीतले होते. या तक्रारीबाबत नातेवाईकांनीही आरोपीस समजावून सांगीतले होते.
दि.15 रोजी सकाळी 11 वाजता फिर्यादी ही विष्णूपुरी बॉम्बे पार्क सोलापूर येथे घरी असताना आरोपीने फिर्यादीस झाडू घेवून मुठीचे बाजूने डावे पायावर मारहाण करुन जखमी केले व तुला फास देवून मारुन टाकीन व मी ही आत्महत्या करीन.
तुझ्या माहेरच्या लोकांना अडकावीन अशी धकमी दिल्याने दि.16 मार्च रोजी फिर्यादीही त्रासाला कंटाळून माहेरी मंगळवेढा येथे निघून आली व घडला प्रकार आई,भाऊ यांना कथन केला असल्याचे दिलेल्या तक्रारीत म्हटले आहे. याचा अधिक तपास पोलीस करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
