टीम मंगळवेढा टाईम्स ।
‘स्टायलिश स्टार’ म्हणून ओळखला जाणाऱ्या अल्लू अर्जुनचा ‘पुष्पा’ हा चित्रपट सध्या बॉक्स ऑफिस गाजवतोय.
या चित्रपटातील अल्लू अर्जुन आणि रश्मिका मंदानाचं अभिनय, हटके गाणी आणि समंथा रुथ प्रभूचं आयटम साँग अशा सर्वच गोष्टी चर्चेत आल्या आहेत.
दरम्यान, मंगळवेढ्यातील बालकलाकार वेदांत अमोल निकम व अस्मि अतुल निकम या बहीण-भावांनी मिळून ‘सामी सामी’ हे गाणं चक्क हार्मोनियम वर तयार केले आहे. त्यांच्या ‘सामी सामी’ या गाण्यांनी धुमाकूळ घातला. या गाण्याची एक वेगळीच क्रेझ सोशल मीडियावर पहायला मिळतेय.
मरवडे येथील एका बालकलाकाराने ‘सामी सामी’चं हार्मोनियम व्हर्जन चाहत्यांच्या भेटीला आणलं आहे आणि त्याच्या या भन्नाट कौशल्याला रसिकांनीही दाद दिली आहे.
वेंदात निकम यांनी त्यांच्या युट्यूब चॅनलवर हे गाणं पोस्ट केलं आहे. या गाण्यात हार्मोनियमवर तयार करण्यात आले आहे.
वेंदात निकम आणि अस्मि निकम यांनी हे गाणं तयार केलंय. अवघ्या एका दिवसांत या गाण्याला खूप अधिक व्ह्यूज मिळाले आहेत. तर हजारो लाइक्स मिळाले आहेत.
हा चित्रपट सध्या बॉक्स ऑफिसवर चांगली कमाई करतोय. या चित्रपटाला प्रेक्षक-समीक्षकांकडून संमिश्र प्रतिसाद मिळतोय.
या चित्रपटाचा दुसरा भागसुद्धा लवकरच प्रदर्शित होणार आहे. लाल चंदनच्या तस्करीवर आधारित या चित्रपटाची कथा आहे. ‘पुष्पा’ हा चित्रपट तेलुगू, तमिळ, हिंदी, कन्नड आणि मल्याळम या भाषांमध्ये प्रदर्शित झाला आहे. या चित्रपटात अल्लू अर्जुन ‘रफ अँड टफ’ लूकमध्ये पहायला मिळतोय.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
