टीम मंगळवेढा टाईम्स ।
मंगळवेढा तालुक्यातील सिध्दापूर व तांडोर येथील म्हैस चोरी प्रकरणी व्यापारी संतोष भोसले (सिध्दापूर), इब्राहिम कुरेशी (मोहोळ) या दोघांना पोलिसांनी अटक केली.
त्यांच्याकडून १ लाख ३० हजार रुपये किमतीच्या तीन म्हशी व एक रेडी जप्त केली आहे. यामुळे व्यापारी सावध उचलू लागली आहेत.
तामदर्डी शिवारातून फिर्यादी सद्दाम तांबोळी (रा.बेगमपूर) यांच्या शेतातील गोठ्यात बांधलेल्या ७० हजारांची एक म्हैस व रेडी २३ जुलै रोजी आरोपी कमाल वाघमारेव सचिन कोळी यांनी चोरून नेल्या होत्या.
या दोघांनाही पोलिसांनी अटक करून चौकशी केली.त्याने मोहोळ येथील व्यापारी इब्राहिम कुरेशी याला विकल्याचे पोलिसांना सांगितले. त्यावरून पोलिसांनी व्यापाऱ्यास अटक करून एक म्हैसव रेडी जप्त केली.
दुसऱ्या घटनेत सिध्दापूर येथील म्हैस वरील दोघा चोरट्यांनी चोरून नेली होती. ही म्हैस सिध्दापूर येथील व्यापारी संतोष भोसले याला विकली होती. पोलिसांनी आरोपीकडून मुद्देमाल हस्तगत करून संबंधित मालकाच्या ताब्यात दिल्याचे सांगण्यात आले.
हा तपास डीवायएसपी राजश्री पाटील व पोलीस निरीक्षक जोतीराम गुंजवटे यांच्या मार्गदर्शनाखाली पोलीस हवालदार दयानंद हेंबाडे व त्यांचे सहकारी पोलीस सोमनाथ माने, सचिन दरदरे यांनी लावला.
ताक कुंकून पिण्याची व्यापाऱ्यांवर वेळ
दरम्यान तालुक्यातील आणखी काही ठिकाणच्या गाई , म्हशी चोरीला गेल्या आहेत. याबाबत पोलीस अधिक कसून तपास करीत आहेत. पोलिसांनी चक्क व्यापाऱ्यांनाच अटक केल्यामुळे चोरीचा माल विकत घेणाया व्यापायांना ताक फुकून पिण्याची वेळ आली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
