मंगळवेढा टाईम्स न्युज नेटवर्किंग ।
मंगळवेढा शहरात दोन घरांची कुलपे तोडून दागिने व रोख रकमेसह २ लाख ८० हजारांचा ऐवज चोरून नेल्याचा प्रकार घडला. याप्रकरणी मंगळवेढा पोलिसांत गुन्हा दाखल झाला आहे.
दरम्यान या घटनेनंतर सोलापूरहून श्वान पथक आणि ठसे तज्ज्ञांना पाचारण करण्यात आले होते. मात्र श्वान घराभोवतीच घुटमळल्याचे सांगण्यात आले.
पोलिस सूत्रांनी दिलेली माहिती अशी, फिर्यादी इकबाल मुलाणी हे फळ व्यापारी असून, ७ जून रोजी रात्री १०.३० वाजता कुटुंबातील सारे जण जेवण करून झोपी गेले.
पहाटे ४.३० वाजेच्या सुमारास इकबाल यांचे वडील हे लघुशंकेसाठी उठले असता त्यांना घराचा व बेडरूमचा दरवाजा उघडा दिसला. पुढे जाऊन पाहिले असता कपाटही उघडे दिसले.
बहीण यास्मीन हिने फळविक्री व्यवसायातून मिळविलेले ६० हजार रुपये, सोन्याचे नेकलेस असा १ लाखांचा मुद्देमाल कपाटात ठेवला होता तो चोरट्यांनी लांबवला.
त्याचबरोबर पांडुरंग वेताळ नागणे यांच्या बंद घराचे कुलूप तोडून कपाटातील ५० हजार रोख व सोन्याचे दागिने असा एकूण १ लाख ८० हजारांचा मुद्देमाल चोरट्यांनी पळवल्याचे फिर्यादीत म्हटले आहे.
नागणे यांच्या कुटुंबायात कुटुंबकर्त्याचे निधन झाल्यामुळे ते घराला कुलूप लावून दुसरीकडे रहावयास गेले होते. या संधीचा चोरट्यांनी फायदा घेत चोरी केली. या दोन्ही चोरीच्या घटनांनंतर शहरवासीय धास्तावले आहेत.
हज यात्रेचे स्वप्न हे अधुरेच राहिले
मुलाणी कुटूंबियाने बकरी ईद झाल्यानंतर हज यात्रेला जाण्यासाठी कपाटात ६० हजार रुपये ठेवले होते. चक्क चोरट्याने त्या पैशावर डल्ला मारल्याने मुलाणी कुटूंबाच्या दर्शनाचे स्वप्न हे अधुरेच राहिले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
