टीम मंगळवेढा टाईम्स ।
आठवडा बाजार करून व चिमुकलीला शाळेचा ड्रेस घेऊन घराकडे निघालेल्या दुचाकीला पाठीमागून जोराची धडक दिल्याने
आई व पाच वर्षीय चिमुकली जागीच ठार झाल्याची घटना मंगळवेढा-उमदी रोडवरील सोड्डी फाट्याजवळ आज दुपारी 3 च्या सुमारास घडली आहे.
हा अपघात इतका विचित्र होता की आईच्या शरीराचे तुकडे पडले आहेत, तर पाच वर्षीय मुलीला जोराचा मार लागल्याने तिचाही मृत्यू झाला आहे.
शांता धनाजी बाबर (वय 25 रा.खवे ता.मंगळवेढा) व त्यांची अनन्या बाबर (वय 4) चिमुकली असे अपघातात मयत झालेल्या दोघांची नावे आहेत.
या घटनेची प्राथमिक माहिती अशी की, खवे येथील वडील, मुलगी व नात हे तिघेजण उमदी येथून आठवडी बाजार उरकून घराकडे येत असताना सोड्डी फाट्याजवळ भरधाव वेगात येणाऱ्या ट्रकने दुचाकीला पाठीमागून जोराची धडक दिली.
या अपघातामध्ये दुचाकीस्वार गणपत धोंडीराम भोसले हे जखमी झाले आहेत तर त्यांची मुलगी व नात यांचा जागेवरच मृत्यू झाला आहे
घटना समजताच सोड्डी गावचे सरपंच शांतप्पा बिराजदार, पोलीस पाटील चिदानंद पाटील, माजी सभापती सुधाकर मासाळ व ग्रामस्थांनी मदत कार्य केले.
दरम्यान, अपघाताची घटना घडल्यानंतर तब्बल दोन तासानंतर सहाय्यक पोलीस निरीक्षक विजय पिसे यांनी भेट दिली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
