टीम मंगळवेढा टाईम्स ।
सोलापूर जिल्हा परिषद शिक्षण अधिकारी किरण लोहार यांचं लाचखोर प्रकरण उघडकीस येऊन 48 तास उलटत नाहीत तोच आज आणखी एक सरकारी कर्मचारी महिलेस लाच घेताना पकडण्यात आलं आहे.
सोलापूर जिल्हा कोषागार कार्यालयातील महिला लिपिक अश्विनी बडवणें यांना 4500 रुपयांची लाच घेताना सोलापूर लाच लुचपत प्रतिबंधक अधिकाऱ्यांनी आज सायंकाळी कार्यालयात रंगेहात पकडलं आहे.
तक्रारदाराचे वडिल पोलिस खात्यात होते आणि काही महिन्यांपूर्वी त्यांचा मृत्यू झाला होता.
सरकारी नियमानुसार त्यांच्या मृत्यूनंतर फॅमिली पेन्शन मिळते आणि त्यासाठी तक्रारदार ट्रेझरी शाखेत हेलपाटे मारत होते.
फाईल पुढे सरकविण्यासाठी तेथील महिला लिपीक अश्विनी बडवणे (वय ३४) यांनी लाच मागितली. त्यांना साडेचार हजारांची लाच स्वीकारताना लाचलुचपत प्रतिबंधक विभागाने काहीवेळापूर्वी रंगेहाथ पकडले.
प्राथमिक शिक्षणाधिकारी किरण लोहार यांच्या लाचेचे प्रकरण ताजे असतानाच त्या महिला लिपीकाने आज घेतली. विशेष म्हणजे मंगळवारी तक्रारदाराने त्या लिपीक महिलेला दीड हजार रुपये दिले होते.
तरीसुध्दा तेवढ्यावर त्यांचे समाधान झाले नाही. त्यांनी आज पुन्हा साडेचार हजारांची मागणी केली. हेलपाटे मारून वैतागलेल्या तक्रारदाराने लाचलुचपत विभागात धाव घेतली. त्यानंतर सापळा रचून त्या महिला लिपीकेला रंगेहाथ पकडले. त्यांच्यावरील पुढील कारवाई सुरु आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
