महिलांनो! बसमधून प्रवास करताय मग ही बातमी तुमच्यासाठी आहे; मंगळवेढ्यात महिला केंद्र प्रमुखाच्या गळ्यातील गंठण पळविले

टीम मंगळवेढा टाईम्स ।

मंगळवेढा बसस्थानकावर सोलापूर-सांगोला या बसमध्ये चढत असताना डोंगरगाव केंद्राच्या महिला केंद्रप्रमुख यांच्या गळ्यातील ७० हजार रुपये किमतीचे दीड तोळ्याचे गंठण चोरट्याने चोरून नेण्याचा प्रकार घडला असून, या प्रकरणी अज्ञात चोरट्याविरुद्ध गुन्हा दाखल झाला आहे.

पोलीस सूत्रांनी दिलेली माहिती अशी, यातील फिर्यादी तथा डोंगरगाव केंद्राच्या केंद्रप्रमुख सुशीला रवींद्र शिंदे (वय ५८, रा. मंगळवेढा) या शालेय कामकाजानिमित्त

जि.प. शाळा गणेशवाडी येथे दि. ८ जानेवारी रोजी दुपारी १२.३० वाजता मंगळवेढा बस स्थानकावर सोलापूर-सांगोला या बसमध्ये चढत असताना महिला व पुरुषांची खूप गर्दी होती.

या गर्दीत सदर फिर्यादी बसमध्ये चढत असताना ७० हजार रुपये किमतीचे दीड तोळ्याचे सोन्याचे मिनी गंठण चोरट्याने गळ्यातील कापून घेतले.

दरम्यान, फिर्यादी तिकिटासाठी पैसे काढताना हा सर्व प्रकार लक्षात आल्यावर फिर्यादीने बस थांबवून खाली उतरुन घटनेबाबत घरी कळवून त्या मंगळवेढा बस स्थानकावर चौकशीकामी आल्या.

त्यांनी सर्वत्र शोध घेतला, मात्र मिळून आले नसल्याने त्यांची खात्री पटली. अज्ञात चोरट्याने सदर गंठण चोरुन नेले असल्याचे दिलेल्या फिर्यादीत म्हटले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज