टीम मंगळवेढा टाईम्स।
सातारा येथे स्पर्धा परीक्षेचा अभ्यास करणाऱ्या मंगळवेढा तालुक्यातील आंधळगाव येथील २३ वर्षीय तरुण समाधान महादेव मोरे या तरूणाला त्याच्या मित्रांनीच बेदम मारहाण करून त्याला उकळत्या चुन्यात ढकलल्याची धक्कादायक घटना घडली असून
त्यामध्ये तो तरुण गंभीररित्या भाजला आहे. त्याच्यावर सातारा जिल्हा शासकीय रुग्णालयात उपचार सुरू आहेत.
याबाबत पोलिसांनी दिलेली माहिती अशी की, साताऱ्यातील रविवार पेठेमध्ये चुनाभट्टी असून या परिसरात समाधान मोरे ( २३ ) हा राहत आहे. तो सोलापूर जिल्ह्यातील मंगळवेढा तालुक्यातील आंधळगाव येथील असून स्पर्धा परीक्षेचा अभ्यास करण्यासाठी गेल्या काही दिवसापासून साताऱ्यात राहत आहे.
गुरुवारी सकाळी त्याची त्याच्या मित्रांसोबत शाब्दिक वादावादी झाली. यानंतर त्याच्या मित्रांनी त्याला बेदम मारहाण करण्यास सुरूवात केली. हा वाद रस्त्यावरच सुरू होता.
मारहाण करत त्याच्या मित्रांनी समाधानला शेजारीच असलेल्या उकळत्या चुन्यात ढकललं. त्यानंतर संबंधित मित्र तेथून पसार झाले.
उकळत्या चुन्यात समाधानचे शरीर डोक्यापासून पायापर्यंत चुन्यात भाजला गेल्याने तो गंभीर जखमी झाला. या प्रकारानंतर काही नागरिकांनी समाधान मोरेला तत्काळ जिल्हा शासकीय रुग्णालयात दाखल केले.
त्याच्यावर वैद्यकीय अधिकाऱ्यांच्या देखरेखीखाली उपचार सुरू आहेत. याबाबत गुन्हा दाखल झाला असून समाधानचा त्याच्या मित्रांसोबत नेमक्या कोणत्या कारणातून वाद झाला समजले नसून, पोलीस समाधानचा जबाब नोंदवत आहेत.
या घटनेची माहिती मिळताच मोरे याचे कुटुंबीय चिंतेत असून नेमके काय झाले, याबाबत ते देखील अनभिज्ञ आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
