टीम मंगळवेढा टाईम्स ।
चारित्र्याच्या संशयातून पत्नीचा गळा दाबून खून केल्याप्रकरणी अटकेतील पतीस येथील प्रथमवर्ग न्यायाधीश जी.एम. चरणकर यांनी २६ जुलैपर्यंत पोलिस कोठडी दिली.
संजय दगडू खरात (रा.धर्मगाव) असे कोठडी मिळालेल्या संशयिताचे नाव आहे. मंगळवारी त्याला अटक केली होती. बुधवारी न्यायालयात उभे करण्यात आले.
पूनम संजय खरात असेखून झालेल्या विवाहितेचे नाव आहे. पूनम हिचा गावातील दत्ता टकले याच्याशी अनैतिक संबंध असल्याच्या संशयातून संजय हा तिला रोज मारहाण करीत होता. १६ जुलै रोजी तो सासरवाडी तांदळवाडीहून पत्नी व मुलांसह धर्मगावला येत होता.
वाटेत त्याने त्यांना मंगळवेढा शिवारातील झाडाखाली नेले. तेथे तिच्याकडून शरीरसुख घेतल्यानंतर स्कार्फने गळा आवळून व हातपाय मोडून खून केला.
दरम्यान , सासरच्या मंडळींनी त्यांची समजूत काढून पाठवणी केली होती. मात्र , पूनम हिचा फोन लागत नसल्याने तिची आई सुजात गाडेकर यांनी येथील पोलिसांत धाव घेतल्यानंतर हा खूनाचा प्रकार उघडकीस आला.
त्यांच्या तक्रारीनंतर पोलिसांनी संजय याला ताब्यात घेतल्यावर त्याने खूनाची कबुली दिली होती. त्याला अटक करुन बुधवारी न्यायालयात उभे केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
