मंगळवेढ्यात दुध डेअरीसमोर लावलेली वॉचमनची मोटर सायकल चोरटयांनी पळविली

टीम मंगळवेढा टाईम्स ।

मंगळवेढा तालुक्यातील गोणेवाडी येथील दुध डेअरीच्या समोर वॉचमनने लावलेली 30 हजार रुपये किमतीची हिरो होंडा स्प्लेंडर ही मोटर सायकल चोरटयंानी पळवून नेण्याचा प्रकार घडला असून या प्रकरणी अज्ञात चोरटयाविरूध्द गुन्हा दाखल झाला आहे.

पोलिस सुत्रांनी दिलेली माहिती अशी,यातील फिर्यादी विठ्ठल चौगुले रा.खुपसंगी हे गोणेवाडी येथील दुध डेअरीमध्ये वॉचमन म्हणून नोकरीस आहेत.

ते हिरो होंडा स्प्लेंडर मोटर सायकल क्रमांक एम एच 13,सी.डब्ल्यू 0189 या मोटर सायकलवरूननोकरीच्या ठिकाणी ये जा करतात.दि.27 रोजी रात्री 11.00 वा. डेअरीच्या गेटसमोर मोटर सायकल लावलेली होती.

मध्यरात्री डेअरीतील पाहर्‍याचे काम संपवून गेटजवळ आलो असता सदर ठिकाणी लावलेली मोटर सायकल दिसून आली नाही. तदनंतर मोटर सायकलचा सर्वत्र शोध घेतला,

मात्र ती मिळून न आल्याने फिर्यादीची खात्री पटली की अज्ञात चोरटयाने मुद्दाम लबाडीने ती चोरून नेली असल्याचे दिलेल्या फिर्यादीत म्हटले आहे. अधिक तपास पोलिस करीत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262