टीम मंगळवेढा टाईम्स।
एसटी बसच्या चालकाने मोटारसायकलस्वारास जोरदार धडक दिली आहे. त्या घटनेत एक जण जागेवर ठार झाला तर एक जण गंभीर जखमी झाला आहे. ही घटना २३ जून रोजी सकाळी ८ वाजता अक्कलकोट ते किणी रोडवरील पालापूर मोड वळणावर घडली.
याबाबत अक्कलकोट येथील उत्तर पोलिस ठाण्यात एसटी बस चालकाविरोधात गुन्हा दाखल करण्यात आला आहे. अपघातात ठार झालेल्या तरुणाचा साखरपुडा झाला होता.
दिवाळीत लग्न होणार होतं मात्र, त्यापूर्वी काळाने घाला घातला. या घटनेत अविनाश नरसप्पा कलशेट्टी (२७) यांचा मृत्यू झाला आहे, तर विजयकुमार बब्रुवान साबळे हा गंभीर जखमी झाला आहे.
दोघे हंगरगा, ता. तुळजापूर, जि. धाराशिव येथील रहिवासी आहेत. यातील आरोपी चालकाने एसटी बस क्रमांक एमएच ०६ एस ८१६८ भरधाव वेगात चालवत होते.
समोरून येणारी मोटारसायकल क्रमांक एमएच १४ एफएल ९८९८ यास जोरदार धडक दिली. याबाबत आप्पाराव कल्याणी कलशेट्टी (४२, रा. हंगरगा, ता. तुळजापूर, जि. धाराशिव) यांनी फिर्याद दिली आहे.
आरोपी एसटी चालक महांतेश बसण्णा फुलारी (रा. जेऊर, ता. अक्कलकोट) यास अटक करण्यात आली आहे. जखमीस उपचारासाठी सोलापूर रुग्णालयात दाखल करण्यात आले आहे. अधिक तपास अंमलदार पो.हे.कॉ. कांबळे करीत आहेत.
स्वामी समर्थांच्या दर्शनाला जाताना अपघात
तुळजापूर तालुक्यातील हंगरगा येथील अविनाश कलशेट्टी हा आडत बाजारात शेतकऱ्यांचे धान्य पोहोचवण्याचे काम करत असे. रविवारचा दिवस असल्याने त्यांनी मित्राला सोबत घेऊन अक्कलकोट येथील स्वामी समर्थांच्या दर्शनासाठी निघाला होता. मात्र अपघात त्याचा मृत्यू झाला. आई- वडिलांना एकुलता एक असलेला अविनाश हा अविवाहित
होता. त्याचा नुकताच जेवळी, ता. लोहारा येथील अविनाश कलशेट्टी नातेवाइकांमधील मुलीशी लग्न ठरले होते, दिवाळीत लग्न होणार होते, परंतु त्याच्यावर काळाने घाला घातला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
