डॉ.शिरीष वळसंगकर प्रकरणात नवा ट्वीस्ट; सून डॉ.शोनाली वडिलांसह गायब? समोर आली मोठी अपडेट

मंगळवेढा टाईम्स न्युज नेटवर्क ।

प्रसिद्ध न्यूरो फिजिशिअन डॉ.शिरीष वळसंगकर यांच्या आत्महत्येला 15 दिवस उलटून गेले आहेत. मात्र, या प्रकरणातील गूढ अधिकच वाढत चाललं असल्याचे चित्र आहे. डॉ.वळसंगकर यांच्या आत्महत्येने एकच खळबळ उडाली होती.

पोलिसांनी लागलीच या प्रकरणाचा तपास सुरू केला. या प्रकरणात सुसाइड नोट आणि इतर काही गोष्टी समोर आल्याने ओपन अॅण्ड शट असणाऱ्या प्रकरणातील गांभीर्य अधिकच वाढलं. आता या प्रकरणात नवा ट्वीस्ट समोर आला आहे.

डॉ. वळसंगकरांची सून आणि तिचे वडील हे गायब असल्याच्या चर्चा सुरू झाल्या आहेत. डॉ. शिरीष यांच्या पत्नी डॉ. उमा यांनी हॉस्पिटलची सर्व सूत्रे होती घेतली आहेत.

सोलापुरातील सुप्रसिद्ध मेंदूरोग तज्ज्ञ डॉ. शिरीष वळसंगकर यांच्या आत्महत्या प्रकरणाने एकच खळबळ उडाली. सोलापूर पोलिसांकडून या प्रकरणाचा तपास सुरू आहे.

डॉ. शिरीष वळसंगकर यांनी 18 एप्रिल रोजी आत्महत्या केली. आत्महत्या प्रकरणी पोलिसांचा तपास सुरू असून काही गोष्टी समोर येत आहे. मात्र, दुसरीकडे अनेक नाट्यमय घडामोडी घडत असल्याचे दिसून येत आहे.

डॉ. शिरीष यांच्या आत्महत्येप्रकरणी संशयित आरोपी मनीषा मुसळे-माने ही सध्या न्यायालयीन कोठडीत आहे. तिची दररोज चौकशी सुरू आहे. रुग्णालयात प्रशासकीय अधिकारी असलेल्या मनीषाला वळसंगकर कुटुंबातून पाठीशी घातले जात असल्याने तिची मनमानी वाढली होती.

यावर डॉ. वळसंगकर नाराज होते, अशी दबक्या आवाजात चर्चा सुरू असल्याचे वृत्त समोर आले होते. डॉ. वळसंगकर यांच्या आत्महत्या प्रकरणात पोलिसांनी मुलगा आणि सूनेची चौकशी केली होती. कौटुंबिक कलहाचा अँगल पोलिसांकडून तपासून पाहिला जात आहे.

आरोपी मनीषा हिच्यानंतर सर्वात जास्त संशयाचे धुके डॉ. शोनालीवर असल्याची चर्चा होती. त्यातच आता डॉ. शोनाली गायब झाल्याची चर्चा सुरू झाली आहे. डॉ. शोनाली यांच्याकडे पोलिसांनी कोणती चौकशी केली, त्यांची चौकशी पूर्ण झाली आहे का, याचीही चर्चा सुरू झाली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज