टीम मंगळवेढा टाइम्स।
मंगळवेढा परिसरात डेंग्यूच्या रुग्णसंख्येत वाढ झाली आहे. नुकत्याच झालेल्या पावसामुळे काही ठिकाणी पाण्याची डबकी अजूनही साचून असल्याने डासांचा उच्छाद वाढल्याचे दिसून येत आहे.
त्यामुळे डेंग्यूसह इतर आजारांनीही डोके वर काढले आहे. ताप, थंडी, खोकला यासह विविध आजारांच्या तपासण्या करण्यासाठी परिसरातील दवाखान्यांत रुग्णांची गर्दी होत आहे.
मंगळवेढा परिसरात डेंग्यूचे रुग्ण मोठ्या प्रमाणात सापडत असल्याचे डॉक्टरांनी सांगितले.
नगरपालिका व दामाजीनगर आणि चोखामेळा नगर प्रशासनाने परिसरातील गल्ली, घरे आणि कॉलनीमध्ये कोणत्याही प्रकारची फवारणी अद्याप केली नसल्याचे नागरिकांनी सांगितले.
यामुळे मंगळवेढा परिसरामध्ये डेंग्यूचे रुग्ण वाढले आहेत. यामुळे नगरपालिका प्रशासनाने या पार्श्वभूमीवर योग्य उपाययोजना करण्याची मागणी नागरिकांकडून होत आहे.
मंगळवेढा परिसरात डेंग्यूसदृश आजारांचे अनेक रुग्ण दवाखान्यांमध्ये औषधोपचार घेत आहेत. या आजारांना रोखण्यासाठी प्रशासनाने तातडीने उपाययोजना करण्याची मागणी नागरिकांकडून होत आहे.
पावसामुळे आजार वाढले…
पावसामुळे काही ठिकाणी पाण्याची डबकी साचून परिसरात डासांचा उच्छाद वाढल्याने नागरिक त्रस्त
ताप, थंडी, खोकल्यासह विविध आजारांचे रुग्ण वाढले असून नगरपालिकेचे दुर्लक्ष होत असल्याचा नागरिकांचा आरोप आहे.
औषधफवारणी गरजेची
गेल्याअनेक महिन्यांपासून मंगळवेढा शहर परिसरात औषध धूरफवारणी झाली नाही. यामुळे डासांचे प्रमाण वाढले आहे. डेंग्यूसारख्या रुग्णांचीही लागण पसरत असल्याचे नागरिकांनी सांगितले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज