मंगळवेढा टाइम्स न्यूज नेटवर्क।
मोटारसायकल चालविण्याचा परवाना मागितल्याचा राग आल्याने तरूणाने थेट वाहतूक पोलिसाच्या कानशिलात चापट लगावल्याचा प्रकार येथील भरवर्दळीच्या स्वा.सावरकर चौकात घडला.
याप्रकरणी दोघा भावांविरूद्ध शहर पोलिसांत गुन्हा दाखल करण्यात आला असून त्यांना पोलिसांनी अटक केली आहे.
प्रविण तानाजी लवटे (२३) व नितीन तानाजी लवटे (२२, दोघे रा. महुद, ता. सांगोला) अशी गुन्हा दाखल झालेल्या दोघांची नावे आहेत.
सकाळी ९ वाजल्यापासून येथील स्वा. सावरकर चौकात वाहतूक शाखेचे पोलीस कर्मचारी विजय कोळवले व आवटे असे दोघेजण वाहतूक नियमनाचे काम करीत होते.
सकाळी १०.४५ वाजण्याच्या सुमारास एम. एच.१३ / ए.आर. ८९८३ या मोटारसायकलवरून प्रविण लवटे हा सदर चौकात आला. त्याने आपल्याकडे लायसन नसल्याचे सांगितल्याने पोलिसांनी त्याला मोटारसायकल बाजुला घेण्यास सांगितले.
त्यानुसार त्याने आपली मोटारसायकल बाजुला लावली आणि तो निघून गेला. त्यानंतर ११ वाजण्याच्या सुमारास तो परत आला आणि काही न बोलता मोटारसायकल घेऊन जाऊ लागला.
त्यावळी पोलिसांनी पुन्हा त्याच्याकडे लायसनची मागणी केली असता हुज्जत घालत त्याने अचानक वाहतूक पोलीस विजय कोळवले यांच्या कानाखाली चापट मारली. या प्रकारानंतर दोघा पोलीस कर्मचाऱ्यांनी त्याला ताब्यात घेतले.
यादरम्यान त्याने आपला भाऊ नितीन लवटे याला मोबाईलवर कॉल करून बोलावून घेतले. त्यानेही घटनास्थळी येऊन पोलिसांशी हुज्जत घातली.
अशा आशयाची फिर्याद कोळवले यांनी दाखल केली आहे. याप्रकरणी सरकारी कामात अडथळा आणल्याचा गुन्हा नोंद झाला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
