टीम मंगळवेढा टाईम्स ।
रस्त्याच्या बाजूला ट्रक उभा करून लघुशंकेसाठी थांबलेल्या ट्रकचालकाचे हात पाय बांधून ट्रक चालकाला उसाच्या फडात टाकून
लोखंडी सळ्या घेऊन निघालेला ट्रक अज्ञात चोरट्यांनी पळवून नेल्याची घटना कुर्डुवाडी-पंढरपूर महामार्गावर असणाऱ्या आष्टी ( ता.मोहोळ ) शिवारातील माळी वस्ती येथे दि . ४ रोजी पहाटे चारच्या सुमारास घडली.
पोलिस सुत्रांकडून मिळालेल्या माहितीनुसार, ट्रकचालक प्रविण अंबादास सरगर (रा.नाझरा ता.सांगोला ) हे ट्रक क्रमांक एम एच १० झेड १३५२ मध्ये दि. ३ मे रोजी जालना येथील आयकॉन येथील कंपनीतून
१२ टन लोखंडी सळ्या असा एकूण ८ लाख ४० हजार रूपये किंमतीच्या सळ्या भरून सांगली येथे जात होते.
दरम्यान मोहोळ तालुक्यातील आष्टी पाटी शिवारात असणाऱ्या माळी वस्ती येथे ४ मे रोजी पहाटे ४ च्या सुमारास रस्त्याच्या बाजूला ट्रक उभा करून लघुशंकेसाठी थांबले असताना,
पांढऱ्या रंगाच्या इंडीका कार मध्ये आलेल्या पाच ते सहा जणांनी त्याला धरून बाजूच्या असणाऱ्या उसाच्या शेतात घेऊन गेले आणि डोक्याला बंदुक लावून तलवारीचा धाक दाखवून मारहाण करीत हात पाय बांधून ऊसाच्या फडात टाकून दिले.
त्यानंतर त्यांच्या ताब्यातील ५ लाख रुपये किंमतीचा ट्रक आणि त्यामध्ये आसणारे ८ लाख ४० हजार रुपये किंमतीचे स्टिल,
खिशातील २० हजार रोख रक्कम व १५०० रुपये किंमतीचा जिओ कंपनीचा मोबाईल असा मिळून १३ लाख ६१ हजार ५०० रूपयाचा मुद्देमाल
अज्ञात चोरट्यांनी चोरून नेल्याची फिर्याद ट्रक ड्रायव्हर प्रविण सरगर यांनी मोहोळ पोलिसात फिर्याद दाखल केली आहे.
सदर घटनेची नोंद मोहोळ पोलीस ठाण्यात दाखल झाली आहे. याचा अधिक तपास मोहोळचे पोलीस निरीक्षक अशोक सायकर यांच्या मार्गदर्शनाखाली गुन्हे प्रकटीकरण शाखा करीत आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
