टीम मंगळवेढा टाईम्स ।
मंगळवेढा तालुक्यातील सलगर खुर्द येथे भारतरत्न डॉ.बाबासाहेब आंबेडकर यांची जयंती मोठ्या उत्साहात आणि सामाजिक बांधिलकीच्या भावनेतून साजरी करण्यात आली.
या मंगल दिनाचे औचित्य साधून, पुणे येथे कार्यरत असलेले गावचे सुपुत्र आणि सामाजिक कार्यकर्ते नागराज व्हनवटे यांनी स्वखर्चातून गावाला बसण्यासाठी लोखंडी बाकडे (बेंचेस) भेट दिले आहेत. गावासाठी वेळोवेळी मदत करत असल्यामुळे त्यांच्या या उपक्रमाचे सर्वस्तरातून कौतुक होत आहे.
गावच्या विकासासाठी सतत तत्पर
नागराज व्हनवटे हे नोकरीनिमित्त पुणे येथे वास्तव्यास असले, तरी आपल्या जन्मभूमीशी असलेले त्यांचे नाते आजही तितकेच घट्ट आहे. गावासाठी काहीतरी चांगले करण्याची धडपड त्यांच्या कार्यातून नेहमीच दिसून येते.
“गावाचे आपण काहीतरी देणं लागतो” या भावनेतून त्यांनी जयंतीचे औचित्य साधून हा विधायक उपक्रम राबविला.
या कार्यक्रमाप्रसंगी श्री. ज्ञानोबा व्हनवटे, श्री. ब्रह्मदेव व्हनवटे, माजी सरपंच विठ्ठल सरगर, नितीन सवाईसर्जे,
ग्रामसेवक युनूस फुलारी, उद्योजक सुरेश पाटील, विशाल कांबळे (मुंबई पोलीस), प्रा. बाळासाहेब भोरकडे, भागवत सोनवले, अजय कांबळे, दयानंद व्हनवटे, सुभाष घनवजीर, अक्षय काटकर, शिवाजी व्हनवटे, सचिन सवईसर्जे.
हर्षद ढावरे, शुभम ढावरे, मुन्ना ढावरे, शशिकांत ढावरे, शैलेश ढावरे, सुजित हनवटे, सागर हनवटे, गणेश सवईसर्जे, अमोल सवईसर्जे, प्रताप सर्वगोड, अक्षय व्हनवटे आणि इतर गावातील प्रतिष्ठित नागरिक आणि विविध क्षेत्रातील मान्यवर मोठ्या संख्येने उपस्थित होते.
कौतुकाचा वर्षाव
केवळ सण-उत्सव साजरे न करता, समाजाला उपयोगी पडतील अशा वस्तूंची भेट देऊन नागराज व्हनवटे यांनी एक नवा आदर्श घालून दिला आहे. त्यांच्या या दातृत्वामुळे ग्रामस्थांची बसण्याची सोय झाली असून, सलगर खुर्दच्या विकासकामात त्यांनी टाकलेल्या या पावलाचे सर्वत्र स्वागत होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
