विद्यार्थ्यांनो! दहावी आणि बारावीच्या बोर्ड परीक्षांचे वेळापत्रक जाहीर; जाणून घ्या नेमक्या तारखा आणि परीक्षा दिनक्रम

मंगळवेढा टाईम्स न्युज ।

महाराष्ट्र राज्य माध्यमिक व उच्च माध्यमिक शिक्षण मंडळाने २०२६ च्या फेब्रुवारी-मार्चमध्ये होणाऱ्या १०वी आणि १२वीच्या परीक्षांचे वेळापत्रक जाहीर केले आहे.

या वेळापत्रकामुळे शाळा, कनिष्ठ महाविद्यालये आणि विद्यार्थ्यांना अभ्यासाचे नियोजन करण्यास मदत होणार आहे. मंडळाला जाग आली आणि अखेर आज दहावी, बारावी बोर्ड परीक्षांच्या तारखा जाहीर केल्या.

बारावी परीक्षांचे वेळापत्रक –

उच्च माध्यमिक प्रमाणपत्र (HSC) म्हणजेच १२वीच्या लेखी परीक्षा १० फेब्रुवारी २०२६ पासून सुरू होऊन १८ मार्च २०२६ पर्यंत चालतील.

यासोबतच, प्रात्यक्षिक परीक्षा, श्रेणी मूल्यांकन आणि अंतर्गत मूल्यमापन

तसेच व्यावसायिक अभ्यासक्रमांच्या प्रात्यक्षिक परीक्षा २३ जानेवारी २०२६ पासून सुरू होऊन ९ फेब्रुवारी २०२६ पर्यंत चालतील. माहिती तंत्रज्ञान आणि सामान्य ज्ञान यांसारख्या विषयांच्या प्रात्यक्षिक आणि ऑनलाइन परीक्षा देखील याच कालावधीत होतील.

दहावी परीक्षांचे वेळापत्रक –

माध्यमिक शाळा प्रमाणपत्र (SSC) म्हणजेच १०वीच्या लेखी परीक्षा २० फेब्रुवारी २०२६ रोजी सुरू होतील आणि १८ मार्च २०२६ रोजी संपतील. शरीरशास्त्र, शरीरक्रियाशास्त्र आणि गृहविज्ञान यांसारख्या विषयांच्या प्रात्यक्षिक

परीक्षा २ फेब्रुवारी २०२६ ते १८ फेब्रुवारी २०२६ या दरम्यान घेतल्या जातील. माहिती तंत्रज्ञान आणि सामान्य ज्ञान या विषयांच्या ऑनलाइन परीक्षा देखील या वेळापत्रकात समाविष्ट आहेत.

सविस्तर वेळापत्रक कधी येणार?

मंडळाने जाहीर केलेल्या सूचनेत प्रात्यक्षिक आणि लेखी परीक्षांच्या मुख्य तारखा दिल्या असल्या तरी, विषयानुसार सविस्तर अंतिम वेळापत्रक मंडळाच्या अधिकृत संकेतस्थळावर स्वतंत्रपणे प्रकाशित केले जाईल. यामध्ये प्रत्येक विषयासाठी अधिक विशिष्ट माहिती मिळेल.

विभागीय सचिवांना स्थानिक पातळीवर वेळापत्रकाची प्रसिद्धी करण्याचे आणि सर्व मान्यताप्राप्त माध्यमिक शाळा व कनिष्ठ महाविद्यालयांच्या निदर्शनास आणून देण्याचे निर्देशही या सूचनेत देण्यात आले आहेत.

१०वी आणि १२वीच्या बोर्ड परीक्षांचे वेळापत्रक –

थोडक्यात, महाराष्ट्र राज्य माध्यमिक व उच्च माध्यमिक शिक्षण मंडळाने १०वी आणि १२वीच्या बोर्ड परीक्षांसाठी फेब्रुवारी-मार्च २०२६ चे वेळापत्रक अधिकृतपणे जाहीर केले आहे. सविस्तर वेळापत्रक नंतर मंडळाच्या संकेतस्थळावर प्रसिद्ध केले जाईल, असे बोर्डाकडून सांगण्यात आले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज