खळबळजनक! बनावट दाखला सादर करणे भोवलं; मंगळवेढा तालुक्यातील ‘या’ ग्रामपंचायतीच्या सदस्याचे पद रद्द

मंगळवेढा टाइम्स न्यूज नेटवर्क ।

भोसे ग्रामपंचायत निवडणुकीवेळी बनावट दाखले सादर केल्याप्रकरणी सदस्य सखूबाई नागणे यांचे सदस्यत्व रद्द केल्याचा निकाल मंगळवेढा न्यायालयाने दिला.

याबाबत सविस्तर माहिती अशी, भोसे ग्रामपंचायतीची सार्वत्रिक निवडणूक सन २०२०-२१ मध्ये प्रभाग एकमध्ये भाग्यश्री महादेव गायकवाड, सखूबाई बाजीराव नागणे, सुवर्णा आप्पासो निकम यांनी सर्वसाधारण महिला जागेकरीता उमेदवारी अर्ज भरला होता.

निवडणुकीत सखूबाई बाजीराव नागणे यांनी भाग्यश्री महादेव गायकवाड यांच्याकडे शौचालय नाही, असा बनावट स्वरुपाचा दाखला घेऊन भाग्यश्री गायकवाड यांच्या अर्जावर हरकत घेतली होती.

भाग्यश्री गायकवाड यांच्याकडे शौचालय नाही असा बनावट व खोटा दाखला तयार करून उमेदवारी अर्ज छाननीवेळी दाखल केला.

परंतु २०१९ पासून दाखला देणे बंद केलेले आहे, याची माहिती व जाणीव असताना, अर्जदाराने स्वतःचे प्रतिज्ञापत्र अर्जासोबत दाखल केले असतानाही तत्कालीन निवडणूक कळवले होते. निर्णय अधिकारी बी.के. खेताडे यांनी गायकवाड यांचा अर्ज अवैध ठरवला.

त्यानंतर गायकवाड यांनी मुंबई उच्च न्यायालयात धाव घेतली होती.  न्यायालयाने मंगळवेढा येथील दिवाणी न्यायालयात दाद मागण्याबाबत आदेश केला होता. तसेच प्रभारी ग्रामसेवक दत्तात्रय इंगोले यांनी आपण सदरचा दाखला दिले नसल्याचा अहवाल जिल्हाधिकाऱ्यांकडे सादर केला.

त्यामुळे इंगोले यांच्या स्वाक्षरीचे बोगस दाखले दाखल केलेल्या उमेदवारावर गुन्हे दाखल करण्याबाबत दि. २२ जानेवारी २०२१ रोजी गटविकास अधिकारी सुप्रिया चव्हाण यांनी ग्रामसेवक दत्तात्रय इंगोले यांना लेखी प्रशासनाने कोणतीही कारवाई न केल्यामुळे मंगळवेढा न्यायालयात याचिकेवर सुनावणी झाली.

दरम्यान सखूबाई नागणे यांनी हरकत अर्जासोबत बनावट दाखले दिल्याचे सिद्ध झाल्याने मंगळवेढा न्यायालयाचे न्यायाधीश गंगवाल शहा यांनी सदस्यत्व रद्द केले.

सदर निकालामुळे यापुढील काळात ग्रामपंचायत निवडणुकी दरम्यान चुकीचे व बनावट दाखले तयार करुन ग्रामपंचायतीमध्ये सत्ता मिळवू पाहणाऱ्या पुढाऱ्यांना देखील चपराक बसणार आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज